ପୁଣି ଗିରଫ ହେଲେ ୟେସ୍ ବ୍ୟାଙ୍କ ସହ-ପ୍ରତିଷ୍ଠାତା ରାଣା କପୁର

ନୂଆଦିଲ୍ଲୀ : ଏନଫୋର୍ସମେଣ୍ଟ ଡାଇରେକ୍ଟରେଟ୍ ବା ଇଡି ୟେସ ବ୍ୟାଙ୍କର ସହ-ପ୍ରତିଷ୍ଠାତା ତଥା ପୂର୍ବତନ ପ୍ରମୋଟର ରାଣା କପୁରଙ୍କୁ ପୁଣି ଥରେ ଗିରଫ କରିଛି । ଦେବାଳିଆ ହୋଇଯାଇଥିବା ପିଏମସି ବ୍ୟାଙ୍କରେ ହୋଇଥିବା ୪୩୦୦ କୋଟି ଟଙ୍କାର ଠକେଇ ସହ ସଂପୃକ୍ତ ଏକ ମନିଲଣ୍ଡରିଂ ବା ବେଆଇନ ଅର୍ଥ କାରବାର ମାମଲାରେ ତାଙ୍କୁ ଗିରଫ କରାଯାଇଛି ।ଏବେ ସେ ବିଚାରବିଭାଗୀୟ ହାଜତରେ ଅଛନ୍ତି ।ଗତ ବର୍ଷ ୟେସ ବ୍ୟାଙ୍କ ଦୁର୍ନୀତି ମାମଲାରେ ରାଣା କପୁରଙ୍କୁ ଇଡି ଗିରଫ କରିଥିଲା । ନୂଆ ମାମଲା ପରେ ତାଙ୍କୁ ଜେଲ ମଧ୍ୟରେ ଗିରଫ କରାଯାଇଛି ।

ଗତ ବର୍ଷ ରିଜର୍ଭ ବ୍ୟାଙ୍କ ପକ୍ଷରୁ ୟେସବ୍ୟାଙ୍କ ଉପରେ କଟକଣା ଲଗାଯାଇଥିଲା । ପରେ ୟେସ ବ୍ୟାଙ୍କର ପରିଚାଳନା ଷ୍ଟେଟ ବ୍ୟାଙ୍କ ନିଜ ହାତକୁ ନେଇଥିଲା । ଗତ ବର୍ଷ ଜୁଲାଇରେ ରାଣା କପୁର ଏବଂ ତାଙ୍କ ପରିବାରର ଲଣ୍ଡନ, ନ୍ୟୁୟର୍କ ଏବଂ ମୁମ୍ବାଇରେ ଥିବା ସମ୍ପତ୍ତି ସମେତ ୧୪୦୦ କୋଟିରୁ ଅଧିକ ସମ୍ପତ୍ତି ମନି ଲଣ୍ଡରିଂ ଆଇନ ଅନୁଯାୟୀ ଇଡି ଜବତ କରିଥିଲା ।