କେବେଠୁ ଦାହ ହେଉଛି ରାବଣର ପ୍ରତିମୂର୍ତ୍ତି
ଆଗରୁ ନଥିଲା ଏହି ପରମ୍ପରା
ଇଂରେଜ ଆସିବା ପରେ ଆରମ୍ଭ ହୋଇଥିଲା ଟ୍ରେଣ୍ଡ୍
ଧରାପୃଷ୍ଠ ରେ ପୂଜା ପାଉଛନ୍ତି ମା ଦୁର୍ଗା । ଏବେଠୁ ସଜେଇ ହେଲାଣି ପୂଜା ପେଣ୍ଡାଲ । ଭଳିକି ଭଳି ତୋରଣ ସହ ସଜେଇ ହେଉଛି ସାରା ଦେଶ । ସିଂହବାହିନୀଙ୍କ ଆରାଧନା ପାଇଁ ଗହଳି ଚହଳି ମଧ୍ୟ ଲାଗିଛି । ତେବେ ଦଶହରା ଦିନ ମା ଙ୍କ ପୂଜା ସହ ପୀଡା ହୁଏ ରାବଣର ପ୍ରତିମୂର୍ତ୍ତି । ହେଲେ ଆଗରୁ ଦେଶରେ ନଥିଲା ଏହି ପରମ୍ପରା।
ଭାରତର ବେଦ ଆଉ ଶାସ୍ତ୍ରରେ ନାହିଁ ରାବଣ ପୋଡ଼ି । ଏପରିକି ଗରୁଡ ପୁରାଣରେ ମଧ୍ୟ ଏ ବାବଦରେ ତଥ୍ୟ ନାହିଁ । ଏଥିରୁ ଜଣାପଡେ ଯେ ଏହା ହେଉଛି ଆଧୁନିକ ଟ୍ରେଣ୍ଡ଼। ଅର୍ଥାତ୍ ହଜାର କି ଦଶହଯାର ନୁହେଁ ମାତ୍ର 80 ବର୍ଷ ପୁରୁଣା ଏହି ପ୍ରଥା । ଯାହା ପ୍ରଥମେ ଝାଡ଼ଖଣ୍ଡ ରୁ ଆରମ୍ଭ ହୋଇଥିଲା ।
ଇତିହାସ କହେ ଯେ, 1947-48 ମସିହାରେ ପ୍ରଥମେ ହୋଇଥିଲା ରାବଣ ପୋଡ଼ି । ସେହି ସମୟରେ ଭାରତରୁ ଚାଲିଯାଉଥିଲେ ଇଂରେଜ ସରକାର । ଏତିକି ବେଳେ ସାରା ଦେଶରେ ଖୁବ୍ ଖୁସି ଥିଲେ ଭାରତୀୟ । ଭାରତ ପାକିସ୍ତାନ ଅଲଗା ମଧ୍ୟ ହୋଇଥିଲେ ।
ଏହି ସମୟରେ ପାକିସ୍ତାନରୁ ଭାରତ ଚାଲି ଆସିଥିଲେ । ସେମାନେ ପ୍ରଥମେ ଆରମ୍ଭ କରିଥିଲେ ରାବଣ ପୋଡ଼ି । ଏହା ଝାଡ଼ଖଣ୍ଡରୁ ଆରମ୍ଭ ହୋଇଥିଲା । ସେତେବେଳ ଝାଡ଼ଖଣ୍ଡ ବିହାରର ଅଂଶ ଥିଲା । ଦଶହରାରେ ରାବଣର ଏକ ବିରାଟ ପ୍ରତିମାକୁ ପୋଡ଼ା ଯାଇଥିଲା । ପରେ ଏହା ସାରା ଦେସରେ ନୂଆ ପରମ୍ପରା ଭାବେ ଉଭା ହୋଇଥିଲା ।
ଝାଡ଼ଖଣ୍ଡ ପରେ ଦିଲ୍ଲୀରେ 1953 ମସିହାରେ ହୋଇଥଲା ରାବଣ ପୋଡ଼ି । ଐତିହାସିକ ରାମଲୀଳା ମଇଦାନରେ ସମ୍ପନ୍ନ ହୋଇଥିଲା ଏହି କାର୍ଯ୍ୟକ୍ରମ । ପରେ ମହାରାଷ୍ଟ୍ର, ଗୁଜରାଟ ଏବଂ କୋଲକାତାରେ ଏହା ବ୍ୟାପିଥିଲା । ସେହିପରି ଓଡିଶାରେ ନବେ ଦଶକରେ ଏହି ପ୍ରଥା ପ୍ରବେଶ କରିଥିଲା । ଯାହା ପରେ ପ୍ରତି ବର୍ଷ ଏହାକୁ ଧୁମଧାମରେ ପାଳନ କରାଯାଇ ଆସୁଛି ।