ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖୱାଜା ଆସିଫ ଆଫଗାନିସ୍ତାନ ଉପରେ ଭାରତ ପାଇଁ ପ୍ରକ୍ସି ଯୁଦ୍ଧ ଚଳାଇବାର ଗମ୍ଭୀର ଅଭିଯୋଗ ଆଣିଛନ୍ତି। ସେ କହିଛନ୍ତି ଯେ ଭାରତ ତାଲିବାନ ମାଧ୍ୟମରେ ପାକିସ୍ତାନକୁ ଟାର୍ଗେଟ କରୁଛି।
ଆହୁରି ପଢ଼ନ୍ତୁ...
ଏକ ଟିଭି ସାକ୍ଷାତକାରରେ ଖୱାଜା ଆସିଫ୍ କହିଛନ୍ତି, “ବର୍ତ୍ତମାନ, କାବୁଲ ଦିଲ୍ଲୀ ପାଇଁ ଏକ ପ୍ରକ୍ସି ଯୁଦ୍ଧ ଲଢ଼ୁଛି।”ସେ ସଦ୍ୟ ଘୋଷିତ ୪୮ ଘଣ୍ଟାର ଅସ୍ଥାୟୀ ଅସ୍ତ୍ରବିରତି ଉପରେ ମଧ୍ୟ ସନ୍ଦେହ ପ୍ରକାଶ କରିଥିଲେ ଏବଂ ଚେତାବନୀ ଦେଇଥିଲେ ଯେ ଉସୁକାଇଲେ ପାକିସ୍ତାନ ସାମରିକ ଭାବରେ ଜବାବ ଦେବାକୁ ପ୍ରସ୍ତୁତ।
ବୁଧବାର ଦିନ ପାକିସ୍ତାନର ବୈଦେଶିକ ମନ୍ତ୍ରଣାଳୟ ଘୋଷଣା କରିଛି ଯେ ଉଭୟ ପକ୍ଷର ସମ୍ମତିରେ ଆଗାମୀ 48 ଘଣ୍ଟା ପାଇଁ ଏକ ଅସ୍ଥାୟୀ ଯୁଦ୍ଧବିରତି କାର୍ଯ୍ୟକାରୀ କରାଯାଇଛି।ଗତ କିଛି ଦିନ ଧରି ସୀମାରେ ପ୍ରବଳ ଗୁଳିବିନିମୟ ପରେ ଏହି ନିଷ୍ପତ୍ତି ନିଆଯାଇଛି। ବୁଧବାର ରାତି ୧:୦୦ ଟାରୁ ଅସ୍ତ୍ରବିରତି କାର୍ଯ୍ୟକାରୀ ହୋଇଛି।