ମୁମ୍ବାଇ : କ୍ରିକେଟର ମହମ୍ମଦ ଶାମିଙ୍କ ପତ୍ନୀ ହସିନ ଜାହାନ ଜଣେ ମଡେଲ ଏବଂ ସୋସିଆଲ ମିଡିଆରେ ପ୍ରାୟତଃ ଭିଡିଓ, ଫୋଟୋ ସେୟାର କରିଥାନ୍ତି । ତେବେ, ଶାମିଙ୍କ ପତ୍ନୀ ହସିନ ଜାହାନଙ୍କ ଏକ ଭିଡିଓ ଏବେ ଚର୍ଚ୍ଚାର ବିଷୟ ପାଲଟିଛି । ଯାହାକୁ ସେ ତାଙ୍କ ଇନଷ୍ଟାଗ୍ରାମରେ ସେୟାର କରିଛନ୍ତି । ଏହି ଭିଡିଓରେ ସେ ଏକ ଡାଇଲଗ କହିଛନ୍ତି ଯାହା ପରେ ପ୍ରଶଂସକମାନେ ତାଙ୍କୁ ବହୁତ ଟ୍ରୋଲ କରୁଛନ୍ତି । ହସିନଙ୍କ ଭିଡିଓକୁ ନେଇ ଏବେ ଖୁବ ଚର୍ଚ୍ଚା ହେଉଛି । ଶାମି-ହସିନ ଜାହାନଙ୍କ ମଧ୍ୟରେ ବିବାଦ ରହିଛି ଏବଂ ଉଭୟ ଅଲଗା ରୁହୁଛନ୍ତି । ହସିନ ଏକ ଭିଡିଓ ପୋଷ୍ଟ କରିଛନ୍ତି ଯେଉଁଥିରେ ସେ ଏକ ଡାଇଲଗ କହୁଛନ୍ତି । ହସିନ କହିଛନ୍ତି, ‘ମୋ ଦ୍ୱାରା ପ୍ରେମ ହେବନାହିଁ, ଯଦି ତୁମେ ଲଢେଇ କରିବାକୁ ଚାହୁଁଛ, ତେବେ କୁହ’ ।
କିଛି ଲୋକ କମେଣ୍ଟରେ ଲେଖିଛନ୍ତି ଯେ ଆପଣ ଶାମି ଭାଇଙ୍କ ସହ ବି ଲଢେଇ କରିଛନ୍ତି । କେହି କେହି ଲେଖିଛନ୍ତି ଯେ ଶାମି ଭାଇ ଲଢେଇ କରି କରି ଥକି ଯାଇଥିଲେ । ସୂଚନା ଅନୁସାରେ ଶାମି ଏବଂ ହସିନ ୨୦୧୪ରେ ବିବାହ କରିଥିଲେ । ୨୦୧୮ରେ ହସିନ ଜାହାନ ମହମ୍ମଦ ଶାମିଙ୍କ ବିରୋଧରେ ଅନେକ ଅଭିଯୋଗ କରିଥିଲେ, ଯାହା ପରେ ଉଭୟଙ୍କ ମଧ୍ୟରେ ଏକ ବଡ ବିବାଦ ହୋଇଥିଲା ।