ମୁମ୍ବାଇ: ଅକ୍ଷୟ କୁମାରଙ୍କ ଫ୍ୟାନ୍ସ ଅପେକ୍ଷା କରି ରହିଥିବା ବହୁ ପ୍ରତିକ୍ଷୀତ ଫିଲ୍ମ ବଚ୍ଚନ ପାଣ୍ଡେର ଟ୍ରେଲର ରିଲିଜ ହୋଇଛି। ଆଉ ଏହାର ଟ୍ରେଲର ଦେଖି ଫ୍ୟାନ୍ସ ବହୁତ ଖୁସି ରହିଛନ୍ତି। ଅକ୍ଷୟଙ୍କ ଫିଲ୍ମ ବଚ୍ଚନ ପାଣ୍ଡେର ପୋଷ୍ଟର ସାମ୍ନାକୁ ଆସିଥିଲା, ଯାହା ସୋସିଆଲ ମିଡିଆରେ ଭାଇରଲ ହୋଇଥିଲା।
ଟ୍ରେଲର ରିଲିଜ ହେବା ପରେ ଲୋକଙ୍କର ବିଭିନ୍ନ ପ୍ରକାର ରିଆକ୍ସନ ଦେଖିବାକୁ ମିଳିଛି। ଏହି ଫିଲ୍ମ ବକ୍ସ ଅଫିସରେ ଜବରଦସ୍ତ ଆୟ କରିବ ବୋଲି ଦର୍ଶକେ କହୁଛନ୍ତି। ଫିଲ୍ମରେ ଅକ୍ଷୟ କୁମାରଙ୍କ ସହିତ ଶ୍ରୀଲଙ୍କା ସୁନ୍ଦରୀ ଜ୍ୟାକଲିନ ଫର୍ଣ୍ଣାଣ୍ଡିଜ ମଧ୍ୟ ରହିଛନ୍ତି। ଏମାନଙ୍କ ବ୍ୟତୀତ ଅର୍ସଦ ଓ୍ଵାରସୀ, କୃତି ସାନନ ମଧ୍ୟପ୍ରମୁଖ ଭୂମିକାରେ ନଜର ଆସିବେ। ସାଜିଦ ନଦିଆଦଓ୍ଵାଲାଙ୍କ ପ୍ରଯୋଜନାରେ ନିର୍ମାଣ ହେବାକୁ ଯାଉଥିବା ଏହି ଫିଲ୍ମରେ ଫରହାଦ ସାମଜୀ ନିର୍ଦ୍ଦେଶନା ଦେବେ। ଅକ୍ଷୟ କୁମାର ନିଜ ସୋସିଆଲ ମିଡିଆ ଆକାଉଣ୍ଟରେ ଫିଲ୍ମର ପ୍ରଥମ ପୋଷ୍ଟର ସେୟାର କରି ଆଗାମୀ ଫିଲ୍ମ ବିଷୟରେ ସୂଚନା ଦେଇଛନ୍ତି। ପୋଷ୍ଟରରେ ଅକ୍ଷୟ କୁମାର ଏକ କଳା ରଙ୍ଗର ଲୁଙ୍ଗି ପିନ୍ଧିଥିବା ବେଳେ ମୁଣ୍ଡରେ ତିଳକ ଲଗାଇଥିବା ଦେଖିବାକୁ ମିଳିଛି। ଫିଲ୍ମ ବଚ୍ଚନ ପାଣ୍ଡେ ସାଉଥ ଫିଲ୍ମ ‘ବୀରମ’ ର ରିମେକ୍ ଭାବେ ନିର୍ମାଣ ହେଉଥିଲା ।