ମୁମ୍ବାଇ: ବଲିଉଡ ବୋଲ୍ଡ ଅଭିନେତ୍ରୀ ରାଧିକା ଆପତେ ଫିଲ୍ମରେ ତାଙ୍କ ଅଭିନୟର ଡିମାଣ୍ଡ ଯାହା ହେଇଥାଉ ନା କାହିଁକି ରାଧିକା ତାଙ୍କର ବେଷ୍ଟ ଦେବାପାଇଁ ପଛଘୁଞ୍ଚା ଦିଅନ୍ତିନାହିଁ । ଏହି ଚକ୍କରରେ ତାଙ୍କୁ କଣ୍ଟ୍ରୋଭର୍ସିର ସାମ୍ନା କରିବାକୁ ପଡିଥିଲା । ରାଧିକା ଏପର୍ଯ୍ୟନ୍ତ ଅନେକ ଫିଲ୍ମ ଏବଂ ୱେବ ସିରିଜରେ ଅଭିନୟ ଦେଖାଇ ସାରିଛନ୍ତି । ସ୍କ୍ରିପ୍ଟ ଅନୁସାରେ ବୋଲ୍ଡ ଓ ସେକ୍ସି ସିନ ମଧ୍ୟ ଦେଇଛନ୍ତି । ଥରେ ଏସବୁ ଚକ୍କରରେ ତାଙ୍କ ନ୍ୟୁଡ ଭିଡିଓ ଭାଇରାଲ ହୋଇଯାଇଥିଲା ।
ରାଧିକା ଏନେଇ ଏକ ସାକ୍ଷାତକାରରେ କହିଥିଲେ ଯେ, ଭିଡିଓଟି ତାଙ୍କ ଅଭିନୀତ ଫିଲ୍ମ କ୍ଲିନ ସେଭର ଶୁଟିଂ ସମୟର ଥିଲା । ସେହି ସମୟରେ ସେ ଫିଲ୍ମ ଶୁଟିଂରେ ବ୍ୟସ୍ତ ଥିଲାବେଳେ ତାଙ୍କୁ ଏହି ଭିଡିଓ ସମ୍ପର୍କରେ ଜଣାପଡିଥିଲା । ଏ ଭିଡିଓ ସମ୍ପର୍କରେ ଜଣାପଡିବା ପରେ ସେ ନିଜକୁ ନିଜେ ସମ୍ଭାଳି ପାରିନଥିଲେ । ସେ କହିଥିଲେ ପ୍ରଥମେ ତାଙ୍କୁ ମିଡିଆ ଟ୍ରୋଲିଂର କୌଣସି ଫରକ ପଡିନଥିଲା ।
ଯେତେବେଳେ ତାଙ୍କ ଡ୍ରାଇଭର, ୱାଚମ୍ୟାନ ତାଙ୍କୁ ଫଟୋରେ ଚିହ୍ନି ପାରିଥିଲେ ସେତେବେଳେ ତାଙ୍କୁ ଲଜ୍ଜା ଲାଗିଥିଲା । ଏହି କାରଣରୁ ସେ ଘରୁ ବାହାରିବା ବନ୍ଦ କରିଦେଇଥିଲେ । ପୁଣି ସେ ଭାବିଥିଲେ ଯେ ଏମିତି କରିବା ଦ୍ୱାରା କେବଳ ସମୟ ନଷ୍ଟ ହେବ ଏଥିପାଇଁ କିଛି କରାଯାଇନପାରେ ।