ମୁମ୍ବାଇ: ବଲିଉଡ ହିରୋ ସୋନୁ ସୁଦ ଏବେ ପୁଣି ଚର୍ଚ୍ଚାରେ । ଶ୍ରୀନଗରରେଏକ ଚପଲ ବିକୁଥିବା ବ୍ୟକ୍ତିଙ୍କ ଷ୍ଟଲରେ ପହଞ୍ଚି ତାଙ୍କ ସାମଗ୍ରୀର ପ୍ରଚାର କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି । ମହାମାରୀ ସମୟରେ ପ୍ରବାସୀ ଶ୍ରମିକମାନଙ୍କୁ ସାହାଯ୍ୟ କରିଥିବାରୁ ସବୁ ଦିଗରୁ ପ୍ରଶଂସା ପାଇଥିବା ଅଭିନେତା ଚପଲର ମୂଲ୍ୟ ବିଷୟରେ ପଚାରି ବୁଝିଥିଲେ ଏବଂ ପରେ ଶାମିମ ଖାନଙ୍କୁ କିଛି ରିହାତି ଦେବାକୁ କହିଥିଲେ । ଏହା ପରେ ସୋନୁ ସୁଦ ତାଙ୍କ ପ୍ରଶଂସକମାନଙ୍କୁ ଶାମିମ ଖାନଙ୍କ ଷ୍ଟଲ ପରିଦର୍ଶନ କରିବାକୁ ଅନୁରୋଧ କରିଥିଲେ । ଅଭିନେତା ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରିଛନ୍ତି ଯେଉଁଥିରେ ସେ କହିଛନ୍ତି ଯେ ଯିଏ ଜୋତା କିଣିବାକୁ ଚାହୁଁଛି, ଶ୍ୟାମ ଭାଇଙ୍କ ଷ୍ଟଲକୁ ଆସ ଏବଂ ଯଦି ଆପଣ ମୋ ନାଁ ନେବେ, ସେ ଆପଣଙ୍କୁ ରିହାତି ଦେବ । ଏହା ପରେ ସନୁ ଷ୍ଟଲ ମାଲିକଙ୍କୁ ପଚାରିଛନ୍ତି-‘ତୁମେ କେତେ ରିହାତି ଦେବ ।’ ଅଭିନେତାଙ୍କ ପ୍ରଶ୍ନର ଉତ୍ତରରେ ଶାମିମ ଖାନ କୁହିଛନ୍ତି- ୨୦ ପ୍ରତିଶତ । ସୋନୁଙ୍କ ଏହି ଭିଡିଓ ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି ।
