ଆଜିକାଲି ଯୁବବର୍ଗଠାରୁ ଆରମ୍ଭ କରି ବୟସ୍କଙ୍କ ପର୍ୟ୍ୟନ୍ତ ସମସ୍ତେ ଶାରୀରିକ ଭାବରେ ଫିଟ ରହିବା ପାଇଁ ଚାହାଁନ୍ତି । ନିଜକୁ ସୁସ୍ଥ ରଖିବା ପାଇଁ ମଧ୍ୟ ଡାଏଟ କରିଥାନ୍ତି । ଏହି ଡାଏଟିଙ୍ଗ ଖାଦ୍ୟ ମଧ୍ୟରୁ ସବୁଠାରୁ ଚମତ୍କାର ଖାଦ୍ୟ ଭିତରେ ଖଜୁରୀକୁ ବେଶ ପ୍ରାଧାନ୍ୟ ଦିଆଯାଇଛି । ଏକ ସ୍ୱାସ୍ଥ୍ୟ ରିପୋର୍ଟ ଅନୁସାରେ ଆପଣମାନେ ଦୈନିକ ୩-୪ ଟି ଖଜୁରୀ ଖାଇବା ଦ୍ୱାରା ଅନେକ ଫାଇଦା ମିଳିଥାଏ । ତେବେ ଆସନ୍ତୁ ଜାଣିବା ଖଜୁରୀ ଖାଇବା ଦ୍ୱାରା ଆଉ କଣ ଫାଇଦା ହୋଇଥାଏ ।
ପ୍ରତ୍ୟେକ ଦିନ ଖଜୁରୀ ଖାଇବା ଦ୍ୱାରା ଆପଣଙ୍କ ଶରୀରେ ତତକ୍ଷଣାତ ଶକ୍ତି ବୃଦ୍ଧି ହେବ । ଏଥିସହ ଅନେକପ୍ରକାରର ଭିଟାମିନ, ମିନେରାଲସ, ଆଇରନ, ଫାଇବର, ପୋଟାସିୟମ, ମ୍ୟାଗ୍ନେସିୟମ ଏବଂ ଭିଟାମିନ ବି-୬ ଭଳି ଭରପୁର ପୋଷକ ତତ୍ତ୍ୱ ମିଳିଥାଏ । ଖଜୁରୀରେ ଥିବା ଫାଇବରର ପରିମାଣ ଆପଣଙ୍କ ହଜମ ପକ୍ରିୟାକୁ ସଠିକ ଭାବରେ କାର୍ୟ୍ୟ କରିବା ରେ ସାହାର୍ୟ୍ୟ କରିଥାଏ ।
କୋଷ୍ଠକାଠିନ୍ୟ ଏବଂ ବଜ ହଜମିରୁ ମୁକ୍ତି ପାଇଁ ଖଜୁରୀ କୋଳି ମଧ୍ୟ ସାହାର୍ୟ୍ୟ କରିଥାଏ । ସେହିପରି ଖଜୁରୀରେ ପ୍ରଚୁର ପରିମାଣରେ କ୍ୟାଲସିୟମ, ଫସଫରସ, ମ୍ୟାଗ୍ନେସିୟମ ରହିଥିବାରୁ ଏହା ହାଡକୁ ମଜଭୁତ କରିଥାଏ । ଏଥିସହ ଶରୀରର ମେଦ ବହୁଳତା ହ୍ରାସ କରିବାର ସହାୟକ ହୋଇଥାଏ । ଖଜୁରୀରୁ ମିଳୁଥିବା ପୋଷକ ତତ୍ତ୍ୱ ମସ୍ତିଷ୍କକୁ ସକ୍ରିୟ ରଖିବାରେ ସାହାର୍ୟ୍ୟ କରିଥାଏ ।