ମୁମ୍ବାଇ: ଲୁଟ୍ର ଶିକାର ହୋଇଛନ୍ତି କବିର ସିଂ ଫେମ ଅଭିନେତ୍ରୀ ନିକିତା ଦତ୍ତା । ରାସ୍ତାରେ ମାଡ ମାଡ ମାରି ଲୁଟିନେଲେ ତାଙ୍କ ମୋବାଇଲ ଫୋନ । ଏହି ଘଟଣା ମୁମ୍ବାଇର ବାନ୍ଦ୍ରା ରୋଡରେ ଘଟିଛି । ଅଭିନେତ୍ରୀ ନିକିତା ସନ୍ଧ୍ୟାରେ ବାନ୍ଦ୍ରା ରୋଡରେ ବୁଲୁଥିବାବେଳେ ଦୁଇ ଜଣ ଦୁର୍ବୃତ୍ତ ବାଇକ୍ରେ ଆସି ତାଙ୍କୁ ପଛପଟୁ ମାଡ ମାରିବା ସହ ତାଙ୍କ ଠାରୁ ମୋବାଇଲ ଫୋନ ଛଡାଇ ନେଇ ସେଠାରୁ ଫେରାର ହୋଇଯାଇଥିଲେ । ଏହି ଘଟଣା ପରେ ଅଭିନେତ୍ରୀ ଜଣକ ବାନ୍ଦ୍ରା ପୁଲିସ ଷ୍ଟେସନରେ ଅଭିଯୋଗ କରିଛନ୍ତି । ଏନେଇ ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ଜଣାପଡିଛି ।
