ଚଣ୍ଡିଗଡ: ପଞ୍ଜାବ ବିଧାନସଭା ନିର୍ବାଚନ ପାଇଁ ଆପ୍ର ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା ହୋଇଛି । ଆମ ଆଦମୀ ପାର୍ଟି ଭଗବନ୍ତ ମାନଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିଛି । ଏନେଇ ଆପ୍ ମୁଖ୍ୟ ଅରବିନ୍ଦ କେଜ୍ରିୱାଲ ଏହି ସୂଚନା ଦେଇଛନ୍ତି । ଅନ୍ୟପକ୍ଷରେ ମୁଖ୍ୟମନ୍ତ୍ରୀ ପ୍ରାର୍ଥୀ ହେବା ପରେ ଭଗବନ୍ତ କହିଛନ୍ତି ଯେ ସବୁ ଅସୁବିଧାର କିପରି ସମସ୍ୟା ଦୂର କରାଯିବ ସେ ନେଇ କାମ କରିବେ ।
ଆହୁରି ପଢ଼ନ୍ତୁ...
ସେହିପରି ସେ କହିଛନ୍ତି ବର୍ତ୍ତମାନ ଚାକିରି ପାଇଁ କେହି ବାହାରକୁ ଯିବେ ନାହିଁ ଓ ଗରିବଙ୍କ ସପକ୍ଷରେ ମୋର କଲମ ବ୍ୟବହାର କରିବି । ଉଲ୍ଲେଖଯୋଗ୍ୟ କିଛି ଦିନ ତଳେ ମୁଖ୍ୟମନ୍ତ୍ରୀ ପ୍ରାର୍ଥୀ ବାଛିବାର ଦାୟିତ୍ୱ ପଞ୍ଜାବବାସୀଙ୍କୁ ଦେଇଥିଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଫୋନ ନମ୍ବର ଜାରି କରିବା ସହ ମନ ପସନ୍ଦର ପ୍ରାର୍ଥୀର ନାଁ ଦେବାକୁ କୁହାଯାଇଥିବା ବେଳେ ଅଧିକାଂଶ ଲୋକେ ଭଗବନ୍ତ ମାନଙ୍କ ନାଁ ଦେଇଥିଲେ ବୋଲି ସୂଚନା ମିଳିଛି ।