ଚଣ୍ଡୀଗଡ: ପଞ୍ଜାବ ବିଧାନସଭା ନିର୍ବାଚନ ଫଳାଫଳ ବାହାରିଥିବାବେଳେ ଆପ ଦଳ ନୂତନ ସରକାର ଗଠନ କରିବ ବୋଲି ଏକପ୍ରକାର ସ୍ପଷ୍ଟ ହୋଇଯାଇଛି । ଅନ୍ୟପକ୍ଷରେ ଆପ ଦଳର ମୁଖ୍ୟମନ୍ତ୍ରୀ ପ୍ରାର୍ଥୀ ଭଗୱନ୍ତ ମାନ ସରକାର ଗଠନକୁ ନେଇ ଆଶାବାଦୀ ଅଛନ୍ତି । ଏଭଳି ପରିସ୍ଥିତିରେ ଭଗୱନ୍ତଙ୍କ ଘର ଆଗରେ ସୁରକ୍ଷା ବ୍ୟବସ୍ଥାକୁ କଡା କଡି କରିଦିଆଯାଇଛି ।
ଆହୁରି ପଢ଼ନ୍ତୁ...
ସୂଚନାଯୋଗ୍ୟ ଯେ, ପଞ୍ଜାବ ବିଧାନସଭା ନିର୍ବାଚନ ପାଇଁ ଭୋଟ ଗଣତି ପୂର୍ବରୁ ଗୁରୁଦ୍ୱାର ଗୁରୁସାଗର ମସ୍ତୁଆନା ସାହେବଙ୍କ ଦର୍ଶନ କରିଥିଲେ । ସେହିପରି ଗଣମାଧ୍ୟମକୁ କହିଛନ୍ତି ଯେ ଆମେ ଆଶା କରୁଛୁ ପଞ୍ଜାବର ଲୋକମାନେ ପରିବର୍ତ୍ତନ ଚାହାଁନ୍ତି । ଏଣୁ ସେମାନେ ଆପକୁ ଭୋଟ ଦେଇଛନ୍ତି । ଅନ୍ୟପକ୍ଷରେ ଆପ ଦଳର ମୁଖ୍ୟମନ୍ତ୍ରୀ ପ୍ରାର୍ଥୀ ଭଗୱନ୍ତଙ୍କ ବାସଭବନରେ ବିଜୟର ଉତ୍ସବ ମନାଇବା ସକାଶେ ପ୍ରସ୍ତୁତି ଚାଲିଥିବା ଜଣାଯାଇଛି ।