ଡେରାଡୁନ: ଉତ୍ତରାଖଣ୍ଡର ଡେରାଡୁନର ରାଜପୁର ରୋଡ୍ ନିକଟରେ ଏକ ଦ୍ରୁତଗାମୀ ଗାଡ଼ି ଲୋକଙ୍କ ଉପରେ ଚଢ଼ିଯିବାରୁ ଚାରି ଜଣଙ୍କର ମୃତ୍ୟୁ ହୋଇଥିବା ଏବଂ ଅନ୍ୟ ଦୁଇଜଣ ଆହତ ହୋଇଥିବା ଅଧିକାରୀମାନେ କହିଛନ୍ତି । ଡେରାଡୁନର ପୋଲିସ ଅଧିକ୍ଷକ ଅଜୟ ସିଂହଙ୍କ ଅନୁଯାୟୀ, ଦୁର୍ଘଟଣାଟି ବୁଧବାର ରାତି ୮ଟାରେ ଘଟିଥିଲା ।
ପୋଲିସ ଦୁର୍ଘଟଣାରେ ସମ୍ପୃକ୍ତ ଡ୍ରାଇଭରଙ୍କୁ ଖୋଜୁଛି, ଏବଂ ଘଟଣାସ୍ଥଳେ ଉପସ୍ଥିତ ଥିବା ଅନ୍ୟ ଯାନକୁ ପୂର୍ବରୁ ଚିହ୍ନଟ କରିସାରିଛି । ଆହତମାନଙ୍କୁ ତୁରନ୍ତ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲା ଏବଂ ସେମାନଙ୍କର ଚିକିତ୍ସା ଚାଲିଛି । ପୋଲିସ ଅଧିକାରୀଙ୍କ ଅନୁଯାୟୀ ଆହତମାନେ ବର୍ତ୍ତମାନ ସ୍ଥିର ଏବଂ ବିପଦମୁକ୍ତ ଅଛନ୍ତି ।
“ଏହି ଘଟଣା ସନ୍ଧ୍ୟା ପ୍ରାୟ ୮ଟା ସମୟରେ ପୁରୁଣା ମସୁରୀ ରାସ୍ତାରେ ଘଟିଥିଲା । ଡେରାଡୁନରେ ଏକ ଦ୍ରୁତଗାମୀ ଗାଡ଼ି କିଛି ଲୋକଙ୍କୁ ଧକ୍କା ଦେଇଥିଲା । ଯେଉଁଥିରେ ୪ ଜଣଙ୍କର ମୃତ୍ୟୁ ହୋଇଥିଲା । ବର୍ତ୍ତମାନ ପାଇଁ ଆମେ ସନ୍ଦେହ କରୁଛୁ ଯେ ଗାଡ଼ିଟି ଏକ ମର୍ସିଡିଜ୍ । ଚାରି ଜଣ ଲୋକ ଶ୍ରମିକ ଥିଲେ, ଏବଂ କାର ସେମାନଙ୍କୁ ଧକ୍କା ଦେଇଥିଲା । ପାଖରେ ଥିବା ଏକ ସ୍କୁଟିକୁ ମଧ୍ୟ ଧକ୍କା ଦେଇଥିଲା । ଦୁଇଜଣଙ୍କ ଗୋଡ଼ରେ ଆଘାତ ଲାଗିଛି,” ଡେରାଡୁନର ଏସଏସପି ଅଜୟ ସିଂହ ଗଣମାଧ୍ୟମକୁ ସୂଚନା ଦେଇଛନ୍ତି ।