ମେଲବୋର୍ଣ୍ଣ: ଆସନ୍ତା ବର୍ଷ ପାକିସ୍ତାନ ଯିବାକୁ ଘୋଷଣା କରିଛି ଅଷ୍ଟ୍ରେଲି କ୍ରିକେଟ ଟିମ । ସୁରକ୍ଷା ଦୃଷ୍ଟିରୁ ସମସ୍ତ ବ୍ୟବସ୍ଥା କରାଯିବ ବୋଲି ପାକିସ୍ତାନ ପକ୍ଷରୁ ଘୋଷଣା କରାଯିବା ପରେ ରାଜି ହୋଇଥିଲା କଙ୍ଗାରୁ ଟିମ । କିନ୍ତୁ ଏହି ଗସ୍ତକୁ ନେଇ ଏବେ ଦ୍ୱନ୍ଦ୍ୱରେ ପଡିଛି କଙ୍ଗାରୁ ଦଳ । ଦଳର ଅଧିନାୟକ ଟିମ ପେନ କହିଛନ୍ତି, ପାକିସ୍ତାନ ଗସ୍ତ ପାଇଁ କିଛି ଖେଳାଳି ରାଜି ହେଉନାହାନ୍ତି । ଦଳର କୌଣସି ଖେଳାଳୀ କିମ୍ବା ସପୋର୍ଟ ଷ୍ଟାଫ୍ ଏହି ଗସ୍ତ ପାଇଁ ରାଜି ହେଉନାହାନ୍ତି । ଅଷ୍ଟ୍ରେଲୀୟ ଖେଳାଳି ଗ୍ଲେନ୍? ମାକ୍ସଓ୍ବେଲ ମଧ୍ୟ ପାକିସ୍ତାନ ଗସ୍ତରେ ଯିବାକୁ ରାଜି ନଥିବା ଜଣାପଡିଛ । ଏମିତି ହେଲେ ଗସ୍ତ ବାତିଲ ମଧ୍ୟ ହୋଇପାରେ । କାରଣ ସୁରକ୍ଷା ଦୃଷ୍ଟିରୁ ଭୟରେ ପାକିସ୍ତାନରେ ଖେଳିବା ପାଇଁ ଖେଳାଳିମାନେ ରାଜି ହେଉ ନାହାନ୍ତି ବୋଲି ଜଣାପଡିଛି ।
