କିଭ୍: ରୁ୍ଷ୍-ୟୁକ୍ରେନ୍ ମହାଯୁଦ୍ଧ ୨୭ ଦିନରେ ପହଂଚିଛି । ପୁଟିନ୍ #ମହା-ସେନା ଆଗରେ ମୁଣ୍ଡ ନୁଆଇବା ସ୍ଥିତିରେ ନାହିଁ #ଯୁକ୍ରେନ୍ । ଏଭଳି ସ୍ଥିତିରେ ନାଟୋ ବିରୋଧରେ ଏକ ବଡ଼ ବୟାନ ରଖିଛନ୍ତି ୟୁକ୍ରେନ୍ ରାଷ୍ଟ୍ରପତି ଜେଲେନସ୍କି । ନାଟୋ ଉପରେ ପ୍ରବଳ ବର୍ଷିଛନ୍ତି ଜେଲେନସ୍କି। ନାଟୋ ସ୍ପଷ୍ଟ କରିବା ଦରକାର ଯେ ସେ ରୁଷକୁ ଡରୁଛି ବୋଲି ଜେନେଲିକ୍ସ କହିଛନ୍ତି । ଏବେ ସମୟ ଆସିଛି ନାଟୋ ଆମକୁ ସ୍ୱୀକାର କରୁଛି ବୋଲି କହିବାକୁ ପଡ଼ିବ । ନହେଲେ ଖୋଲାଖୋଲି କହୁ ଯେ ଆମକୁ ନାଟୋରେ ସାମିଲ କରିବ ନାହିଁ । କାରଣ ନାଟୋ ରୁଷକୁ ଭୟ କରୁଛି । ଏକଥା ସ୍ପଷ୍ଟ କଲେ ୟୁକ୍ରେନ୍ ନିଶ୍ଚିତ ହୋଇ କହିପାରିବ ଯେ, ନାଟୋର କିଛି ସଦସ୍ୟ ରାଷ୍ଟ୍ର ଅଛନ୍ତି ଯେଉଁମାନେ ବିନା ସଦସ୍ୟତାରେ ସୁରକ୍ଷା ଗ୍ୟାରେଣ୍ଟି ପ୍ରଦାନ କରିପାରିବେ ।
ତେବେ ଜେଲେନସ୍କି କହିଛନ୍ତି, ରୁଷ୍ କିଭ୍, ଖାରକିଭ୍ ଓ ମାରିୟୁପୋଲକୁ ମାଗୁଛନ୍ତି । କିନ୍ତୁ ସେଠାକାର ଲୋକ ସେମିତି କରିବାକୁ ଦେବେ ନାହିଁ । ରୁଷ ଏସବୁ ସହରର ଲୋକଙ୍କୁ ହତ୍ୟା କରିବା ପରେ କବଜା କରିପାରିବ । ରୁଷର ଅୱଟିମେଟମକୁ ସ୍ୱୀକାର କରିବେ ନାହିଁ । ଏମିତି କେବେ ହେବନି । ଆମ ଦେଶର ଲୋକଙ୍କୁ ରୁଷ୍ ହତ୍ୟା କରିବା ପରେ ତାର ଅଲଟିମେଟର୍ କେବେ ସ୍ୱୀକାର କରାଯାଇ ପାରିବ ନାହିଁ । ପୁଟିନଙ୍କ ସହ କଥାବାର୍ତ୍ତା କରିବା ଉପରେ ଜୋର ଦେଇଛନ୍ତି ଜେଲେନସ୍କି ।