ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ଅନେକ ଥର ବ୍ରହ୍ମ କୁମାରିଙ୍କ ଶାନ୍ତିବନ କମ୍ପ୍ଲେକ୍ସ ପରିଦର୍ଶନ କରିବାର ସୁଯୋଗ ପାଇବା ବିଷୟରେ ମନେ ପକାଇ କହିଥିଲେ ଯେ ଯେତେବେଳେ ସେ ଏହି ସ୍ଥାନ ପରିଦର୍ଶନ କରନ୍ତି ସେତେବେଳେ ଭିତରୁ ଏକ ଆଧ୍ୟାତ୍ମିକ ଭାବନା ଉତ୍ପନ୍ନ ହୁଏ। ସେ ସୂଚନା ଦେଇଛନ୍ତି ଯେ ଗତ କିଛି ମାସ ମଧ୍ୟରେ ଦ୍ୱିତୀୟ ଥର ପାଇଁ ସେ ବ୍ରହ୍ମକୁମାରିଙ୍କ ସହ ଜଡିତ କାର୍ଯ୍ୟକ୍ରମରେ ଅଂଶଗ୍ରହଣ କରିବାର ସୁଯୋଗ ପାଇଛନ୍ତି। ଚଳିତ ବର୍ଷ ଫେବୃଆରୀରେ ଜଲ ଜନ ଅଭିଆନ୍ ଉଦ୍ଘାଟନ କରିବାର ସୁଯୋଗକୁ ମନେ ପକାଇ ପ୍ରଧାନମନ୍ତ୍ରୀ ବ୍ରହ୍ମକୁମାରି ସଂଗଠନ ସହ ତାଙ୍କର ନିରନ୍ତର ସମ୍ପର୍କ ଉପରେ ଗୁରୁତ୍ୱାରୋପ କରି ପରମ ପିତାଙ୍କ ଆଶୀର୍ବାଦ ଏବଂ ରାଜ୍ୟ ଯୋଗିନୀ ଦାଦିଜୀଙ୍କ ସ୍ନେହକୁ ଶ୍ରେୟ ଦେଇଛନ୍ତି। ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ଯେ ଶିବମଣି ଓଲ୍ଡ ଏଜ୍ ହୋମ୍ ଏବଂ ନର୍ସିଂ କଲେଜର ସମ୍ପ୍ରସାରଣ କାର୍ଯ୍ୟ ଚାଲିଥିବା ବେଳେ ସୁପର ସ୍ପେସିଆଲିଟି ଚାରିଟେବୁଲ୍ ଗ୍ଲୋବାଲ୍ ହସ୍ପିଟାଲର ଭିତ୍ତି ପ୍ରସ୍ତର ସ୍ଥାପନ କରାଯାଇଛି ଏବଂ ଏଥିପାଇଁ ବ୍ରହ୍ମକୁମାରି ସଂଗଠନକୁ ଅଭିନନ୍ଦନ ଜଣାଇଛନ୍ତି।
ପ୍ରଧାନମନ୍ତ୍ରୀ କହିଛନ୍ତି ଯେ ଅମୃତ କାଳର ଏହି ଯୁଗରେ ସମସ୍ତ ସାମାଜିକ ତଥା ଧାର୍ମିକ ଅନୁଷ୍ଠାନର ପ୍ରମୁଖ ଭୂମିକା ରହିଛି। “ଏହି ଅମୃତ କାଳ ହେଉଛି ଦେଶର ପ୍ରତ୍ୟେକ ନାଗରିକଙ୍କ ପାଇଁ କର୍ତ୍ତବ୍ୟ କାଳ। ଏହାର ଅର୍ଥ ହେଉଛି ଯେ ଆମେ ଆମର ଦାୟିତ୍ବ କୁ ସମ୍ପୂର୍ଣ୍ଣ ରୂପେ ପୂରଣ କରିବା ଉଚିତ୍ ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଛନ୍ତି। ଏହାସହିତ ସେ କହିଛନ୍ତି, ସମାଜ ଏବଂ ଦେଶର ସ୍ୱାର୍ଥରେ ଆମର ଚିନ୍ତାଧାରା ଏବଂ ଦାୟିତ୍ବର ବିସ୍ତାର ସହିତ ଏହା ହେବା ଉଚିତ୍। ସେ କହିଛନ୍ତି ବ୍ରହ୍ମକୁମାରି ଏକ ଅନୁଷ୍ଠାନ ଭାବରେ ସମାଜରେ ନୈତିକ ମୂଲ୍ୟବୋଧକୁ ଦୃଢ଼ କରିବା ପାଇଁ କାର୍ଯ୍ୟ କରନ୍ତୁ। ବିଜ୍ଞାନ, ଶିକ୍ଷା ଏବଂ ସାମାଜିକ ସଚେତନତା ପାଇଁ ସେମାନଙ୍କର ଅବଦାନ ବିଷୟରେ ସେ ଉଲ୍ଲେଖ କରିଛନ୍ତି। ସ୍ୱାସ୍ଥ୍ୟ ଏବଂ ସୁସ୍ଥତା କ୍ଷେତ୍ରରେ ସେମାନଙ୍କର କାର୍ଯ୍ୟକୁ ମଧ୍ୟ ସେ ପ୍ରଶଂସା କରିଛନ୍ତି।
ଗରିବ ବିଭାଗ ମଧ୍ୟରେ ଚିକିତ୍ସା ସୁବିଧା ପାଇବାର ଅନୁଭବ ପ୍ରସାର କରିବାରେ ଆୟୁଷ୍ମାନ ଭାରତର ଭୂମିକା ଉପରେ ପ୍ରଧାନମନ୍ତ୍ରୀ କହିଛନ୍ତି, “ଦେଶ ସ୍ୱାସ୍ଥ୍ୟ ସୁବିଧାଗୁଡ଼ିକର ରୂପାନ୍ତରିତ କରୁଛି। ଏହା କେବଳ ସରକାର ନୁହେଁ ଗରିବ ନାଗରିକଙ୍କ ପାଇଁ ଘରୋଇ ଡାକ୍ତରଖାନାର ଦ୍ୱାର ଖୋଲିଛି ବୋଲି ସେ କହିଛନ୍ତି। ସେ ସୂଚନା ଦେଇଛନ୍ତି ଯେ 4 କୋଟିରୁ ଅଧିକ ଗରିବ ରୋଗୀ ଏହି ଯୋଜନା ଅଧୀନରେ 80 ହଜାର କୋଟି ଟଙ୍କା ସଞ୍ଚୟ କରିବାରେ ସାହାଯ୍ୟ କରିସାରିଛନ୍ତି। ସେହିଭଳି ଜନ ଔଷଧୀ ଯୋଜନା ପ୍ରାୟ 20 ହଜାର କୋଟି ଟଙ୍କା ଗରିବ ଏବଂ ମଧ୍ୟବିତ୍ତ ରୋଗୀଙ୍କର ସଞ୍ଚୟ କରିଛି। ସରକାରୀ ଯୋଜନା ବିଷୟରେ ସଚେତନତା ସୃଷ୍ଟି କରିବାକୁ ସେ ବ୍ରହ୍ମା କୁମାରିଙ୍କ ୟୁନିଟକୁ ଅନୁରୋଧ କରିଥିଲେ।
ଦେଶରେ ଡାକ୍ତର, ନର୍ସ ଏବଂ ମେଡିକାଲ କର୍ମଚାରୀଙ୍କ ଅଭାବକୁ ଦୂର କରିବା ପାଇଁ ଦେଶରେ ଅତୁଳନୀୟ ବିକାଶକୁ ଦର୍ଶାଇ ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ଯେ ଗତ 9 ବର୍ଷ ମଧ୍ୟରେ ପ୍ରତି ମାସରେ ହାରାହାରି ଗୋଟିଏ ମେଡିକାଲ କଲେଜ ଉଦ୍ଘାଟନ କରାଯାଇଛି। ସେ ଦର୍ଶାଇଛନ୍ତି ଯେ 2014 ପୂର୍ବରୁ ଏକ ଦଶନ୍ଧି ମଧ୍ୟରେ 150 ରୁ କମ୍ ମେଡିକାଲ କଲେଜ ଉଦଘାଟିତ ହୋଇଥିବାବେଳେ ଗତ 9 ବର୍ଷ ମଧ୍ୟରେ ସରକାର 350 ରୁ ଅଧିକ ମେଡିକାଲ କଲେଜ ଉଦ୍ଘାଟନ କରିଛନ୍ତି। 2014 ପୂର୍ବରୁ ଏବଂ ପରେ ତୁଳନାତ୍ମକ ଚିତ୍ର ପ୍ରଦାନ କରି ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ଦେଶରେ ପ୍ରତିବର୍ଷ ଏମବିବିଏସ୍ ପାଇଁ ପ୍ରାୟ 50 ହଜାର ସିଟ୍ ଥିବାବେଳେ ସେହି ସଂଖ୍ୟା ଆଜି 1 ଲକ୍ଷରୁ ଅଧିକ ହୋଇଥିବାବେଳେ ପୋଷ୍ଟ ଗ୍ରାଜୁଏଟ୍ ସିଟ୍ ସଂଖ୍ୟା 65 ହଜାରରୁ ଅଧିକ ହୋଇଛି ଯାହା ପ୍ରାୟ 30 ହଜାର ଥିଲା। ସେ ଆହୁରି ମଧ୍ୟ କହିଛନ୍ତି ଯେ ଯେତେବେଳେ ଉଦ୍ଦେଶ୍ୟ ସ୍ପଷ୍ଟ ହୁଏ ଏବଂ ସେଠାରେ ଦେଶ ସେବାର ଭାବନା ଥାଏ, ସେତେବେଳେ ଏଭଳି ନିଷ୍ପତ୍ତି ନିଆଯାଏ ଏବଂ ସମ୍ପନ୍ନ ହୁଏ।
ଆଗାମୀ ଦଶନ୍ଧିରେ ଭାରତରେ ଉତ୍ପାଦିତ ଡାକ୍ତରଙ୍କ ସଂଖ୍ୟା ସ୍ୱାଧୀନତା ପରେ ଗତ 7 ଦଶନ୍ଧିରେ ଉତ୍ପାଦିତ ଡାକ୍ତରଙ୍କ ସଂଖ୍ୟା ସହିତ ସମାନ ହେବ ବୋଲି ପ୍ରଧାନମନ୍ତ୍ରୀ କହିଛନ୍ତି। ନର୍ସିଂ କ୍ଷେତ୍ରରେ ସୃଷ୍ଟି ହେଉଥିବା ସୁଯୋଗ ଉପରେ ସେ ଆଲୋକପାତ କରିଥିଲେ। ସେ ସୂଚନା ଦେଇଛନ୍ତି ଯେ ଦେଶରେ 150 ରୁ ଅଧିକ ନର୍ସିଂ କଲେଜକୁ ସ୍ଥାପନ କରାଯାଇଛି ଏବଂ ରାଜସ୍ଥାନରେ 20 ରୁ ଅଧିକ ନର୍ସିଂ କଲେଜ ଆସିବ ଯାହା ଆଗାମୀ ସୁପର ସ୍ପେସିଆଲିଟି ଚାରିଟେବୁଲ ଗ୍ଲୋବାଲ ହସପିଟାଲକୁ ମଧ୍ୟ ଉପକୃତ କରିବ।
ଭାରତୀୟ ସମାଜରେ ଧାର୍ମିକ ତଥା ଆଧ୍ୟାତ୍ମିକ ସଂସ୍ଥାଗୁଡ଼ିକର ସାମାଜିକ ତଥା ଶିକ୍ଷାଗତ ଭୂମିକା ଉପରେ ସୂଚନା ପ୍ରଦାନ କରି ପ୍ରଧାନମନ୍ତ୍ରୀ ପ୍ରାକୃତିକ ବିପର୍ଯ୍ୟୟ ସମୟରେ ବ୍ରହ୍ମା କୁମାରିସଙ୍କ ଅବଦାନ ତଥା ମାନବିକତାର ସେବା ପାଇଁ ଅନୁଷ୍ଠାନର ଉତ୍ସର୍ଗୀକୃତ ସାକ୍ଷୀ ହେବାର ବ୍ୟକ୍ତିଗତ ଅଭିଜ୍ଞତାକୁ ମନେ ପକାଇଥିଲେ। ଜଲ ଜୀୱନ୍ ମିଶନ୍ ଏବଂ ନିଶାମୁକ୍ତି ଜନ ଆନ୍ଦୋଳନ ଭଳି ବିଷୟରେ କାର୍ଯ୍ୟ କରିଥିବାରୁ ସେ ବ୍ରହ୍ମକୁମାରିଙ୍କ ପ୍ରଶଂସା କରିଥିଲେ।
ପ୍ରଧାନମନ୍ତ୍ରୀ କହିଛନ୍ତି କରିଛନ୍ତି ଯେ ବ୍ରହ୍ମକୁମାରୀ ସଂଗଠନ ସର୍ବଦା ତାଙ୍କ ଦ୍ୱାରା ଧାର୍ଯ୍ୟ କରାଯାଇଥିବା ଆଶାଠାରୁ ଅଧିକ ରହିଆସିଛି ଏବଂ ଆଜାଦୀ କା ଅମୃତ ମହୋତ୍ସବ, ଯୋଗ ଶିବିର ସାରା ବିଶ୍ୱରେ ଆୟୋଜିତ ହୋଇଥିବା କାର୍ଯ୍ୟକ୍ରମଗୁଡ଼ିକର ଉଦାହରଣ ଦେଇଛନ୍ତି, ଦିଦି ଜାନକୀ ସ୍ବଚ୍ଛ ଭାରତର ରାଷ୍ଟ୍ରଦୂତ ହୋଇଛନ୍ତି। ସେ କହିଛନ୍ତି ଯେ ବ୍ରହ୍ମକୁମାରୀଙ୍କ ଏପରି କାର୍ଯ୍ୟ ସଂଗଠନରେ ତାଙ୍କର ବିଶ୍ବାସକୁ ବଢ଼ାଇ ଦେଇଛି ଏବଂ ଏହାଦ୍ୱାରା ଅଧିକ ଆଶା କରାଯାଉଛି।
ବିଶ୍ୱ ସ୍ତରରେ ମିଲେଟକୁ ଦିଆଯାଇଥିବା ଶ୍ରୀ ଅନ୍ନ ଏବଂ ଭାରତର ପ୍ରୋତ୍ସାହନକୁ ମଧ୍ୟ ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି। ସେ କହିଛନ୍ତି ଯେ ଦେଶ ପ୍ରାକୃତିକ ଚାଷ, ଆମର ନଦୀ ସଫା କରିବା ଏବଂ ଭୂତଳ ଜଳ ସଂରକ୍ଷଣ ଭଳି ଅଭିଯାନକୁ ଆଗେଇ ନେଉଛି ଏବଂ ଏହି ବିଷୟଗୁଡିକ ସହସ୍ର ବର୍ଷର ସଂସ୍କୃତି ଏବଂ ଦେଶର ପରମ୍ପରା ସହିତ ଜଡିତ ବୋଲି ସେ କହିଛନ୍ତି। ସମ୍ବୋଧନକୁ ସମାପ୍ତ କରି ପ୍ରଧାନମନ୍ତ୍ରୀ ବ୍ରହ୍ମ କୁମାରୀମାନଙ୍କୁ ଏକ ନୂତନ ଉପାୟରେ ରାଷ୍ଟ୍ର ନିର୍ମାଣ ସହ ଜଡିତ ନୂତନ ପ୍ରସଙ୍ଗଗୁଡିକ ଆଗକୁ ନେବାକୁ ଅନୁରୋଧ କରିଥିଲେ। “ଏହି ପ୍ରୟାସରେ ଆପଣ ଯେତେ ସହଯୋଗ ପାଇବେ, ଦେଶ ସେତେ ଅଧିକ ସେବା ପାଇବ। ଏକ ବିକଶିତ ଭାରତ ଗଠନ କରି ଆମେ ବିଶ୍ୱ ପାଇଁ ‘ସର୍ବେ ଭବନ୍ତୁ ସୁଖୀନଃ’ର ମନ୍ତ୍ରକୁ ସାକାର କରିବୁ ବୋଲି ପ୍ରଧାନମନ୍ତ୍ରୀ କହିଛନ୍ତି।
ପୃଷ୍ଠଭୂମି
ପ୍ରଧାନମନ୍ତ୍ରୀଙ୍କ ବିଶେଷ ଧ୍ୟାନ ସମଗ୍ର ଦେଶରେ ଆଧ୍ୟାତ୍ମିକ ନବୀକରଣକୁ ଉତ୍ସାହିତ କରୁଛି। ଏହି ପ୍ରୟାସକୁ ଜାରି ରଖି ପ୍ରଧାନମନ୍ତ୍ରୀ ବ୍ରହ୍ମକୁମାରୀଙ୍କ ଶାନ୍ତିବନ କମ୍ପ୍ଲେକ୍ସ ପରିଦର୍ଶନ କରିବେ। ସେ ଏକ ସୁପର ସ୍ପେସିଆଲିଟି ଚାରିଟେବୁଲ୍ ଗ୍ଲୋବାଲ୍ ହସ୍ପିଟାଲ, ଶିବମଣି ଓଲଡ ଏଜ୍ ହୋମର ଦ୍ୱିତୀୟ ପର୍ଯ୍ୟାୟ ଏବଂ ନର୍ସିଂ କଲେଜର ସମ୍ପ୍ରସାରଣ କାର୍ଯ୍ୟର ଶିଳାନ୍ୟାସ କରିବେ। 50 ଏକର ଜମିରେ ବ୍ୟାପିଥିବା ଆବୁ ରୋଡରେ ସୁପର ସ୍ପେସିଆଲିଟି ଚାରିଟେବୁଲ୍ ଗ୍ଲୋବାଲ୍ ହସ୍ପିଟାଲ୍ ପ୍ରତିଷ୍ଠା ହେବ। ଏହା ବିଶ୍ବ ସ୍ତରୀୟ ଚିକିତ୍ସା ସୁବିଧା ପ୍ରଦାନ କରିବ ଏବଂ ଏହି ଅଞ୍ଚଳର ଗରିବ ଏବଂ ଆଦିବାସୀମାନଙ୍କ ପାଇଁ ବିଶେଷ ଲାଭଦାୟକ ହେବ।