ଲକ୍ଷେ୍ନø: ୟୁପିର ସୋନଭଦ୍ର ଅଂଚଳରେ ଛୋଟ କଥାରେ କ୍ରୋଧାନ୍ଧ ଯୁବକ ତା’ ବାପାକୁ ପିଟିପିଟି ମାରିବା ପରେ ଫେରାର ହୋଇଯାଇଛି । ବାପାଙ୍କ ମୃତଦେହକୁ ଘରେ ପୁରାଇ ବାହାରୁ ତାଲା ପକାଇ ଯୁବକ ଜଣକ ପଳାୟନ କରିଥିଲା ।
ସଂପର୍କୀୟ ଲୋକଙ୍କ ନିକଟରୁ ଖବର ପାଇ ପୁଲିସ ଘଟଣା ସ୍ଥଳରେ ପହଂଚି ଘର ଭିତରୁ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇଛି । ମାମଲା ରୁଜୁ କରି ପୁଲିସ ଅଭିଯୁକ୍ତ ପୁଅକୁ ତଲାସ କରୁଛି ।
ସୂଚନା ମୁତାବକ ରବର୍ଟସଗଞ୍ଜ ଅନ୍ତର୍ଗତ ସହିଜନ ଖୁର୍ଦ ନିବାସୀ ୫୦ ବର୍ଷୀୟ ରାମରାଜ ଗତ ଶନିବାର ନିଶାସକ୍ତ ଅବସ୍ଥାରେ ଘରେ ପହଂଚି ଥିଲେ । ତାଙ୍କର ୨୫ ବର୍ଷୀୟ ପୁଅ ସନ୍ତୋଷ ମଦ୍ୟପ ବାପାକୁ ଗାଳିମନ୍ଦ କଲା । ବାପ–ପୁଅ ପାଟିତୁଣ୍ଡ କ୍ରମେ ଉଗ୍ରରୂପ ଧାରଣ କଲା ।
ଉତ୍ୟକ୍ତ ପୁଅ ଗୋଟିଏ ଠେଙ୍ଗା ଧରି ବାପାଙ୍କୁ ନିର୍ଘାତ ପିଟିଲା । ଘଟଣାସ୍ଥଳରେ ରାମରାଜଙ୍କ ପ୍ରାଣବାୟୁ ଉଡିଗଲା । ଅଭିଯୁକ୍ତ ସନ୍ତୋଷ ବାପାର ମୃତଦେହକୁ ଘର ଭିତରେ ରଖି ବାହାରେ ତାଲା ପକାଇ କୁଆଡେ଼ ଚାଲିଗଲା । ସଂପର୍କୀୟ ଲୋକମାନେ କହିଛନ୍ତି ଯେ ସନ୍ତୋଷର ମୁଣ୍ଡ ଠିକ ନାହିଁ ।