ରାଜ୍ୟସଭା ସାଂସଦ ପଦରୁ ମମତା ମହାନ୍ତ ଇସ୍ତଫା ଦେବା ପରେ କିଏ ଯିବ ରାଜ୍ୟସଭା ତାକୁ ନେଇ ବେଶ ଚର୍ଚ୍ଚା । ଏହାରି ଭିତରେ ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ନାଁକୁ ନେଇ ମଧ୍ୟ ଚର୍ଚ୍ଚା ହେଉଛି । ମମତାଙ୍କ ସ୍ଥାନରେ ମନମୋହନ ସାମଲ ଯାଇପାରନ୍ତି ରାଜ୍ୟସଭା । ଏହାକୁ ନେଇ ମନମୋହନ ସାମଲ ମଧ୍ୟ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ଯାହା କେନ୍ଦ୍ରୀୟ ନେତୃତ୍ୱ ନିଷ୍ପତ୍ତି ନେବେ ସେ ଅନୁସାରେ କାର୍ୟ୍ୟ ହେବ । ଏମଏଲଏ କ୍ୟାଣ୍ଡେଟ୍, ଏମପି କ୍ୟାଣ୍ଡେଟ୍, ରାଜ୍ୟସଭା ହେଉ କି ଲୋକସଭା ସବୁକିଛି ଦିଲ୍ଲୀରେ ସଂସଦୀୟ ଦଳ ନିଷ୍ପତ୍ତି ନେବ ବୋଲି ସେ କହିଛନ୍ତି ।
ମନମୋହନ ସାମଲଙ୍କ ସହ ପୂର୍ବତନ ରାଜ୍ୟ ସଭାପତି ସମୀର ମହାନ୍ତି ଓ ଗତ ନିର୍ବାଚନରେ ଟିକେଟ ପାଇନଥିବା ପୂର୍ବତନ କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କ ନାଁ କୁ ନେଇ ବି ଚର୍ଚ୍ଚା ହେଉଛି। ଏହା ବାଦ ଦଳ ସରପ୍ରାଇଜ କାର୍ଡ ବି ଖେଳିପାରେ। ଏପରିକି ନିଜେ ମମତା ବି ବିଜେପିରୁ ରିପିଟ୍ ହୋଇପାରନ୍ତି। ତେବେ କାହା ନାଁ ରେ କେନ୍ଦ୍ରୀୟ କମିଟି ମୋହର ମାରୁଛି ତା ଉପରେ ନଜର । ସୂଚନା ଅନୁସାରେ ବୁଧବାର ରାଜ୍ୟସଭା ସାଂସଦ ପଦରୁ ଇସ୍ତଫା ଦେଇ ଗୁରୁବାର ବିଜେପିରେ ଯୋଗ ଦେଇଥିଲେ ମମତା ମହାନ୍ତ ।