ଭୁବନେଶ୍ୱର,(ସାକ୍ସୀ ନ୍ୟୁଜ୍): ବବିଙ୍କ ଭୂତଳ ଘର କାହିଁକି ନିର୍ମାଣ ହୋଇଥିଲା। ଆଉ ଏବେ ଏହାକୁ କାହିଁକି ଭାଙ୍ଗୁଛନ୍ତି ବିଜେଡି ନେତା ପ୍ରଣବ ପ୍ରକାଶ ଦାସ । ସରକାରୀ କ୍ୱାର୍ଟର୍ସରେ ତିଆରି ହୋଇଥିଲା ଅଣ୍ଡରଗ୍ରାଉଣ୍ଡ ଫ୍ଲୋର, ଟ୍ରି ହାଉସ, ସୁଇମିଂ ପୁଲ । ସରକାରୀ କ୍ୱାର୍ଟର୍ସକୁ ଆଲିଶାନ ବଙ୍ଗଳା କରିଦେଇଥିଲେ ଯାଜପୁର ପୂର୍ବତନ ବିଧାୟକ ତଥା ବିଜେଡି ସାଧାରଣ ସମ୍ପାଦକ ପ୍ରଣବ ପ୍ରକାଶ ଦାସ । ଯାହାକୁ ଏବେ ନିଜେ ଭାଙ୍ଗୁଥିବାର ଚିତ୍ର ସାମ୍ନାକୁ ଆସିଛି ।
କ୍ୱାର୍ଟର୍ସରେ ଅନେକ ବେଆଇନ ନିର୍ମାଣ ହୋଇଥିବା ଅଭିଯୋଗ ହୋଇଛି । ୨୦୦୦ବର୍ଗଫୁଟର ଏକ ଭୂତଳ ଫ୍ଲୋର ରହିଛି । କିଛି ଦିନ ହେଲା ଶ୍ରମିକ ଲଗାଇ ଏହାକୁ ନିଜେ ଭାଙ୍ଗୁଛନ୍ତି ବବି ଦାସ । ସରକାରୀ କ୍ୱାର୍ଟର୍ସରେ ଏଭଳି ନିର୍ମାଣ ଓ ତରବରିଆ ଭଙ୍ଗାରୁଜାକୁ ନେଇ ବିବାଦ ବଢିଛି । କାହିଁକି ଏହି ଅଣ୍ଡରଗ୍ରାଉଣ୍ଡ କରାଯାଇଥିକା ଏବଂ ଏଠାରେ କଣ ଚାଲିଥିଲା ବୋଲି ପ୍ରଶ୍ନ ଉଠିଛି । ସରକାରୀ ଟଙ୍କାରେ କ୍ୱାର୍ଟର୍ସକୁ ବିଳାସପୂର୍ଣ୍ଣ ଢଙ୍ଗରେ ତିଆରି କରାଯାଇଥିଲା ବୋଲି ଅଭିଯୋଗ ହୋଇଛି ।
ଗତକାଲି ଘଟଣାସ୍ଥଳରେ ପହଞ୍ଚି ତନାଘନା କରିଛନ୍ତି ସାଧାରଣ ପ୍ରଶାସନ ବିଭାଗ ଇଷ୍ଟେଟର ଅତିରିକ୍ତ ନିଦେ୍ର୍ଦଶକ । ସେ କହିଛନ୍ତି କ୍ୱାର୍ଟର୍ସ ବେଆଇନ ଭାବେ ଅନେକ ନିର୍ମାଣ ହୋଇଛି । ଏହାର ତଦନ୍ତ କରାଯାଇ ଆଇନ ଅନୁସାରେ କାର୍ଯ୍ୟାନୁଷ୍ଠାନ ନେବୁ ।
ସେପଟେ ଏହି ଅଭିଯୋଗର ଜବାବ ରଖିଛନ୍ତି ପ୍ରଣବ ପ୍ରକାଶ ଦାସ । ସେ କହିଛନ୍ତି ମୁଁ ଦଳୀୟ ସମ୍ପାଦକ ଦାୟିତ୍ୱରେ ଥିବାରୁ ଅନେକ ନେତା ମୋତେ ବେଟିବାକୁ ଆସୁଥିଲେ । ଏଥିପାଇଁ କ୍ୱାର୍ଟର୍ସରେ କିଛି ସଂପ୍ରସାରଣ କରାଯାଇଥିଲା । କ୍ୱାର୍ଟର୍ସ ଛାଡିବାକୁ ମୋତେ ନୋଟିସ ହୋଇଛି । କ୍ୱାର୍ଟର୍ସ ଯେମିତି ଥିଲା ସେମିତି ହିଁ ଫେରାଇବି । ସବୁ କିଛି ନିୟମ ଅନୁସାରେ ହୋଇଛି ।