ଯାଜପୁର: ତହସିଲଦାର ନିଜେ ଦଲିଲକୁ ଘର ଘର ବୁଲି ବଣ୍ଟନ କରୁଥିବାରୁ ଜମି ପାଟା ପାଇଁ ତହସିଲ କାର୍ଯ୍ୟାଳୟକୁ ଆଉ ଦଊଡ଼ିବାକୁ ପଡିବ ନାହିଁ। ଘରଘର ବୁଲି ଜମି ପଟ୍ଟା ବାଣ୍ଟୁଛନ୍ତି ତହସିଲଦାର। ଘରେ ଅଚାନକ ପହଞ୍ଚି ନିଜେ ଜମି ପଟ୍ଟା ବାଣ୍ଟୁଛନ୍ତି ତହସିଲଦାର।
ଏମିତିକି ଗରିବ ଲୋକଙ୍କୁ ଘର ଦୁଆରେ ନିକଟରେ ପହଞ୍ଚାଉଛନ୍ତି ପଟ୍ଟା। ଯାହା ଓଡ଼ିଶାରେ ପ୍ରଥମ ବୋଲି କୁହାଯାଉଛି। ତହସିଲଦାର ହିତାଧିକାରୀଙ୍କ ଘରେ ପହଞ୍ଚି ଜମି ପଟ୍ଟା ନିଜେ ବଣ୍ଟନ କରନ୍ତି। ଏହା ଅଜବ ଲାଗୁଥାଇପାରେ, କିନ୍ତୁ ଏହା ସତ ଅଟେ । ଆଜି ଆମେ ଜଣେ ତହସିଲଦାରଙ୍କ ବିଷୟରେ କହିବାକୁ ଯାଉଛୁ ଯିଏ ଗରୀବ ଲୋକଙ୍କ ପାଇଁ ଜମି ପଟା ଆଣି ସେମାନଙ୍କ ଦ୍ୱାରରେ ଆଣିଛନ୍ତି, ଯାହା ଓଡିଶାରେ ଏକ ବିରଳ ଘଟଣା।
ଜମି ଜମା ସମ୍ବନ୍ଧୀୟ କାର୍ଯ୍ୟକୁ ଜରୁରୀକାଳୀନ ଭିତ୍ତିରେ ସମାପନ କରିବାକୁ ରାଜସ୍ୱ ବିଭାଗକୁ ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି। ଡାକ ଯୋଗେ ହେଉ ଅବା ନିଜେ ତହସିଲଦାର ହିତାଧିକାରୀଙ୍କ ନିକଟରେ ପହଞ୍ଚିବେ। ଏହାକୁ ପାଳନ କରିଛନ୍ତି ଯାଜପୁର ଜିଲ୍ଲା ଦର୍ପଣ ତହସିଲଦାର ପ୍ରଦୀପ କୁମାର ସେଠୀ। ରାଜସ୍ୱ ରଥରେ ବସି ଘର ଘର ବୁଲି ବାଣ୍ଟୁଛନ୍ତି ଘରର ପଟ୍ଟା। ଏପଟେ ଘର ଦୁଆର ମୁହଁରେ ଜମି ପଟ୍ଟା ପାଇ ହିତାଧିକାରୀ ମଧ୍ୟ ଖୁସ୍। ପୂର୍ବରୁ ଜମି ପଟ୍ଟାଟିଏ ପାଇବା ପାଇଁ ଲୋକମାନଙ୍କୁ ତହସିଲ କାର୍ଯ୍ୟାଳୟକୁ ବାରମ୍ବାର ଦୈାଡ଼ିବାକୁ ପଡୁଥିଲା।
ଏହାପୂର୍ବରୁ ଲୋକଙ୍କୁ ଜମି ପଟା ପାଇବା ପାଇଁ ତହସିଲ କାର୍ଯ୍ୟାଳୟକୁ ଯିବାକୁ ପଡୁଥିଲା। ଜମି ଦଲିଲ ପାଇବା ପାଇଁ ସେମାନେ ବହୁ ଅର୍ଥ ଖର୍ଚ୍ଚ କରୁଥିଲେ । ପ୍ରକାଶ ଥାଉକି, କିଛି ମାସ ପୂର୍ବରୁ ଦର୍ପନ୍ ତହସିଲର ତହସିଲଦାର ଭାବେ ଯୋଗ ଦେଇଥିବା ପ୍ରଦୀପ କୁମାର ହିତାଧିକାରୀମାନଙ୍କୁ ଜମି ପଟ୍ଟା ଯୋଗାଇବା ପ୍ରକ୍ରିୟାକୁ ତ୍ୱରାନ୍ୱିତ କରିଛନ୍ତି।