ଭୁବନେଶ୍ୱର,(ଏସ୍ ନ୍ୟୁଜ୍): ଆଜି ଶନିବାର ଦିନ ୧୧ ସମୟରେ ଲୋହିଆ ଏକାଡ଼େମି ଠାରେ ଦାଦା ଭାଇ ନାରୋଜୀ ଙ୍କ ଉପରେ ଲିଖିତ ପୁସ୍ତକ ଓଡିଶା ପ୍ରଦେଶ କଂଗ୍ରେସ ସଭାପତି ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକଙ୍କ ଦ୍ୱାରା ଉନ୍ନୋଚିତ ଓ ଲୋକାପ୍ରିତ ହୋଇଛି ।
ଏହାର ଲେଖକ ବିଶିଷ୍ଟ ସଂଗ୍ରାମୀ ଶ୍ରୀଯୁକ୍ତ ପଦ୍ମଚରଣ ନାୟକ ଓ ପୁସ୍ତକଟିର ପ୍ରକାଶକ ଇନ୍ଷ୍ଟିଚ୍ୟୁଟ ଅଫ ପବ୍ଲିକ୍ ଫାଇନାନ୍ସ ଉନ୍ନୋଚନ ଅବସରରେ ଶ୍ରୀ ପଟ୍ଟନାୟକ କହିଲେ ଯେ, ଭାରତର ଇତିହାସକୁ କଦର୍ଥ କରିବା ପାଇଁ ଭାରତୀୟ ସ୍ତରରେ ଉଦ୍ୟମ ଆରମ୍ଭ ହୋଇଯାଇଛି । ଏପରିକି, ସ୍ୱାଧିନତା ସଂଗ୍ରାମରେ ଚରମ ତ୍ୟାଗ ଥିବା ଓ ଦୀର୍ଘ କାଳ କାରବରଣ କରିଥିବା ଜବାହାରଲାଲ ନେହେରୁ ଙ୍କ ନାମ ସ୍ୱାଧିନତାର ୭୫ ବର୍ଷ ପୁର୍ତି ଅବସରରେ ଉଲ୍ଲେଖ କରାଯାଇନାହିଁ ।
ଏହିପରି ଏକ ବିଡ଼ମ୍ବନା ଓ ଇତିହାସ ବିକୃତ ଚାଲିଥିବାବେଳେ କଂଗ୍ରେସର ପ୍ରତିଷ୍ଠାତା ଦାଦା ଭାଇ ନାରୋଜୀଙ୍କୁ ମନେ ପକାଇଛି ଏହି ପୁସ୍ତକ । ପୁସ୍ତକର ଲେଖକ ଶ୍ରୀଯୁକ୍ତ ପଦ୍ମଚରଣ ନାୟକ ଦାଦା ଭାଇ ନାରୋଜୀ ବିଦେଶୀ ଶୋଷଣ ବିରୁଦ୍ଧରେ ପ୍ରଥମ ସ୍ୱର ଉତୋଳନ କରିଥିଲେ ବୋଲି କହିଥିଲେ ଯେଉଁଥିପାଇଁ ମହାତ୍ମାଗାନ୍ଧୀ ନାରୋଜୀଙ୍କୁ ଜାତୀର ପିତା ଭାବେ ଉଲ୍ଲେଖ କରିଛନ୍ତି । ବହିଟିର ସମିକ୍ଷା କରି ସାହିତ୍ୟିକ ଶ୍ରୀ ରବିନ୍ଦ୍ର କୁମାର ସାହୁ ଶ୍ରୀ ନାୟକଙ୍କ ବିଭିନ୍ନ ବ୍ୟକ୍ତିଙ୍କର ଜୀବନୀ ଲେଖନକୁ ଭୂୟଷି ପ୍ରଶଂସା କରିଥିଲେ । ପୂର୍ବତନ ଅର୍ଥମନ୍ତ୍ରୀ ତଥା ଇନ୍ଷ୍ଟିଚ୍ୟୁଟ ଅଫ ପବ୍ଲିକ୍ ଫାଇନାନ୍ସ ର ଶ୍ରୀ ଯୁକ୍ତ ପଞ୍ଚାନନ କାନୁନ୍ଗୋ ଦାଦା ଭାଇ ନାରୋଜୀଙ୍କ “ମନିଡ୍ରେନ୍” ତତ୍ୱ ଉପରେ ଆଲୋକପାତ କରିଥିଲେ । ସେହି ଶୋଷଣ ଧାରା ଆଜି ବି ଚାଲିଛି ବୋଲି ଉଲ୍ଲେଖ କରିଥିଲେ ।
ସଭାରେ ଶ୍ରୀଯୁକ୍ତ ଦେବେନ୍ଦ୍ର ପ୍ରସାଦ ରାୟ ଧନ୍ୟବାଦ ଅର୍ପଣ କରିଥିଲେ । ଉକ୍ତ ସଭାରେ ବହୁ ବିଶିଷ୍ଟ ବ୍ୟକ୍ତି ଉପସ୍ଥିତ ଥିଲେ ।