କେନ୍ଦୁଝର: ଡିଜେଲ କିଣିବାକୁ ଯାଇଥିଲେ ଟ୍ରକ ଧକ୍କାରେ ବାଇକ୍ ଆରୋହୀ ମୃତ,ଟ୍ରକ ଜବତ,ଚାଳକ ଗିରଫ କେନ୍ଦୁଝର,କେନ୍ଦୁଝର ସଦର ଥାନା ଅନ୍ତର୍ଗତ ୨୦ନମ୍ବର ଜାତୀୟ ରାଜପଥ ରାଇସୁଆଁ ଡାହାଣପାର୍ଶ୍ବ ଜିଟି ପେଟ୍ରଲ ପମ୍ପ ନିକଟ ରୁ ଆଜି ସକାଳ ପ୍ରାୟ ୮ଟାବେଳେ ଏକ (ଓଡି-ଜିର-୯-ସି-୫୦୩୩) ବିଶିଷ୍ଟ ଟ୍ରକ (ଓଡି-ଜିର-୯-ଇ-୦୭୫୯) ଟିଭିଏସ୍ ବାଇକ୍ ଆରୋହୀ ଙ୍କୁ ଧକ୍କାଦେଇ ଦେଢ କିଲୋମିଟର ଘୋସାରି ନେବାରୁ ଘଟଣା ସ୍ଥଳରେ ଆରୋହୀ ଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ହେଲେ ମହାଦେଇଯୋଡା ପଞ୍ଚାୟତ ଟିକରପଡା ରଥମରାସାହି ର ସ୍ବର୍ଗତଃ ବୁଧୁରାମ ମୁଣ୍ତା ଙ୍କ ପୁଅ କୁଷ୍ଣୁ ମୁଣ୍ତା(୫୮)।ଖବର ପାଇ ଘଟଣା ସ୍ଥଳରେ ସଦର ଥାନା ଏ ଏସ୍ ଆଇ କେଶବ ଚନ୍ଦ୍ର ବାଗ ଉଭୟ ଦୁର୍ଘଟଣାଗ୍ରସ୍ତ ଗାଡି ଓ ମୃତ ଦେହ ଜବତ କରି ତଦନ୍ତ ଆରମ୍ଭ କରିଥିଲେ।ବିହାର ଅଞ୍ଚଳର ୧୪ ଚକିଆ ଟ୍ରକ ଚାଳକ ମହେନ୍ଦ୍ର ଯାଦବ(୭୫)ଙ୍କୁ ଗିରଫ କରିବା ପରେ ଆଜି କୋର୍ଟ ଚାଲାଣ କରିଛି।
ସୂଚାନା ଅନୁସାରେ,ଆଜି ଟିଭିଏସ ବାଇକରେ କୃଷ୍ଣୁ ଡିଜେଲ ଆଣିବାକୁ ଯାଉଥିଲେ।ତେବେ ଜିଟି ପେଟ୍ରୋଲ ପମ୍ପ ନିକଟରେ ପଛପଟୁ ଆସୁଥିବା ଏକ ଟ୍ରକ ତାଙ୍କୁ ଧକ୍କା ଦେଇଥିଲା।ଫଳରେ ବାଇକ୍ ସହିତ କୁଷ୍ଣୁ ଟ୍ରକ ସମ୍ମୁଖ ଭାଗରେ ଲାଖି ରହିଯାଇଥିଲେ।ଟ୍ରକ ଡ୍ରାଇଭର ଗାଡ଼ି ନ ଅଟକାଇ ଆଗକୁ ଚଳାଇଥିଲେ।ଟ୍ରକରେ ବାଇକ୍ ସହିତ କୁଷ୍ଣୁ ଙ୍କୁ ପାଖାପାଖି ଦେଢ଼ କିଲୋମିଟର ରାସ୍ତା ଘୋଷାରି ନେଇ ସଦର ଥାନା ନିକଟରେ ଗାଡ଼ି ଅଟକାଇଥିଲେ।ଫଳରେ ଦୁର୍ଘଟଣାଗ୍ରସ୍ତ ଲୋକଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଥିଲା।ପୋଲିସ ମୃତଦେହ ଜବତ କରି କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ବ୍ୟବଛେଦ ପରେ ପରିବାର ହସ୍ତାନ୍ତର କରିଛି।ଏନେଇ ସଦର ଥାନାରେ (୪୪୦/୨୨)ଏକ ମାମଲା ରୁଜୁ ହୋଇଛି।