ଢେଙ୍କାନାଳ : ଢେଙ୍କାନାଳ ବନଖଣ୍ଡର ହିନ୍ଦୋଳ ବନାଞ୍ଚଳରେ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଛି । ସୂଚନା ଅନୁସାରେ, ହିନ୍ଦୋଳ ବନାଞ୍ଚଳରେ ହାତୀ ଦାଉରୁ ଧାନ ଫସଲ ସୁରକ୍ଷିତ ରଖିବା ପାଇଁ କ୍ଷେତ ଚାରିପଟେ ସୋଲାର ଫେନ୍ସିଂ ଲଗାଯାଇଥିଲା । ହେଲେ ସୋଲାର ଫେନ୍ସିଂକୁ ମାଡି କ୍ଷେତ ମଧ୍ୟକୁ ପଶି ଯାଇଥିଲେ ହାତୀ ପଲ । ଏହି ହାତୀପଲଙ୍କୁ ଘଉଡାଇବା ପାଇଁ ଗାଁଲୋକେ ଉଦ୍ୟମ କରିଥିଲେ । ହେଲେ ଏଥିରେ ବିଫଳ ହୋଇଥିଲେ ।
ଆହୁରି ପଢ଼ନ୍ତୁ...
ଫଳରେ ଜଣେ ବ୍ୟକ୍ତିଙ୍କୁ ହାତୀ ପାଦରେ ଦଳି ଦେଇଥିଲା । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଘଟଣାସ୍ଥଳରେ ହାତୀପଲ ଜଗି ରହିଥିବାରୁ ବନ ବିଭାଗ ପହଞ୍ଚି ହାତୀ ମାନଙ୍କୁ ଘଉଡ଼ାଇଥିଲା । ଏହାସହ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇ ଥିଲା ବୋଲି ଜଣାପଡିଛି ।