ହାଇୱା ଧକ୍କାରେ ଛାତ୍ରୀ ମୃତ

କେନ୍ଦ୍ରାପଡ଼ା: କେନ୍ଦ୍ରାପଡ଼ା-ଦାନପୁର ରାସ୍ତାର ହାଟବାଣପୁର ନିକଟରେ ବାଲି ବୋଝେଇ ହାଇୱା ଧକ୍କାରେ ଜଣେ ନବମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ଘଟିଛି । ମୃତ ଛାତ୍ରୀଙ୍କ ଘର ସଦର ଥାନା ଅନ୍ତର୍ଗତ ହାଟବାଣପୁର ଗ୍ରାମରେ ଏବଂ ସେ ସୁବାଷ ଲେଙ୍କାଙ୍କ ଝିଅ ଲକ୍ଷ୍ମିପ୍ରିୟା ଲେଙ୍କା ବୋଲି ଜଣାପଡିଛି । ଲକ୍ଷ୍ମିପ୍ରିୟା ଟ୍ୟୁସନରୁ ସାଇକେଲ ଯୋଗେ ଘରକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା । ଘଟଣାରେ ଉତ୍ୟେକ୍ତ ଲୋକେ ହାଇୱାକୁ ଭଙ୍ଗାରୁଜା କରିବା ସହ ଡ୍ରାଇଭରକୁ ବାନ୍ଧି ନିସ୍ତୁକ ପିଟିଛନ୍ତି । ଖବର ପାଇ ସଦର ଥାନା ପୋଲିସ ଘଟଣାସ୍ଥଳରେ ପହଂଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ମୃତ ଛାତ୍ରୀଙ୍କ ଶବ ଜବତ କରି ବ୍ୟବଚ୍ଛେଦ ନିମନ୍ତେ ମେଡିକାଲକୁ ପଠାଇଛି । ଦୁର୍ଘଟଣାଗ୍ରସ୍ତ ବାଲିବୋଝେଇ ହାଇୱାକୁ ଜବତ କରିବା ସହ ଡ୍ରାଇଭରକୁ ଅଟକ ରଖି ପଚରା ଉଚୁରା ଚଳାଇଛି ।