ଖାଲି ହୋଇଯିବ ବିଜେଡି ବସା । ଭବିଷ୍ୟତରେ ରହିବନି ବିଜେଡି । ନବୀନ ଚାହିଁଲେ ମଧ୍ୟ ନେତାଙ୍କୁ ରଖିପାରିବେନି । ଦଳରେ ସମସ୍ତେ ଅସନ୍ତୁଷ୍ଟ । ବିଜେଡିରେ ଏବେ ସ୍ୱାଧିନତା ନାହିଁ । ଏଭଳି ମନ୍ତବ୍ୟ ଦେଇଛନ୍ତି ବିଜେପି ନେତା ଅରବିନ୍ଦ ଢାଲି । ଅରବିନ୍ଦଙ୍କ ମନ୍ତବ୍ୟ ପରେ ରାଜ୍ୟ ରାଜନୀତିରେ ହଲଚଲ ସୃଷ୍ଟି କରିଛି । ଜାତୀୟ ଦଳ ବିଲୟ ହୁଏନାହିଁ, ଆଂଚଳିକ ଦଳ ବିଲୟ ହୋଇଯାଏ । ଯଦିଓ ନିର୍ବାଚନ ପୂର୍ବରୁ ସେ ବିଜେପି ଶିବିରରେ ଯୋଗ ଦେଇଛନ୍ତି ହେଲେ ଢାଲିଙ୍କ ମନ୍ତବ୍ୟ ଗୁରୁତ୍ୱ ଏଇଥି ।ଇଁ ରହିଛି ଯେ ସେ ଆଗରୁ ବିଜେଡିର ବିଧାୟକ ରହି ଆସିଛନ୍ତି ଏବଂ ବିଜେଡିକୁ ବହୁତ ପାଖରୁ ଦେଖିଛନ୍ତି ।
ସେପଟେ ବିଜେପିକୁ ନେଇ ଢାଲି ଦେଇଥିବା ମନ୍ତବ୍ୟ ପରେ ନିଆଁରେ ଘିଅ ଢାଳିଛନ୍ତି ବରିଷ୍ଠ ବିଜେଡି ନେତା ଅମର ଶତପଥୀ । ବିଜେଡିକୁ ଆମୂଳଚୂଳ ଠିକ କରିବାର ଆବଶ୍ୟକତା ରହିଛି । ସଙ୍ଗଠନକୁ ପରିବର୍ତ୍ତନ ନ କଲେ ଅଘଟଣ ଘଟିବା ଆଶଙ୍କା କରାଯାଉଛି । ଏ ଦିଗରେ ଆମ ସମସ୍ତଙ୍କର ଅନୁଭବ ରହିଥିବା କହିଛନ୍ତି ଅମର । ସେପଟେ ଢାଲିଙ୍କ ମନ୍ତବ୍ୟରେ ବିଜେଡିର କିଛି ଫରକ ପଡ଼ିବ ନାହିଁ କହିଛନ୍ତି ଉମା ସାମନ୍ତରାୟ । ୨୪ ବର୍ଷ କ୍ଷମତାରେ ବିଜେଡି ରହିବା ପରେ ଏବେ ଧିରେ ଧିରେ ଭୁଷୁଡିବାରେ ଲାଗିଛି । ଦଳରେ ନେତା ଅସନ୍ତୋଷ ଥିବା କୁହାଯାଉଛି । ଯାହା ଆଗାମୀ ଦିନରେ ବଡ଼ ଧରଣର ବିସ୍ଫୋରଣ ହେବ ଏଥିରେ ଜଣାପଡୁଥିବା ଅଭାସ ମିଳିଲାଣି ।