ଭୁବନେଶ୍ୱର : ସେପ୍ଟେମ୍ବର ୧୬ରୁ ଅକ୍ଟୋବର ୮ ପର୍ଯ୍ୟନ୍ତ ଭାରତର ବିଭିନ୍ନ ସହରରେ ଖେଳାଯିବ ଲିଜେଣ୍ଡସ୍? ଲିଗ କ୍ରିକେଟର ଦ୍ୱିତୀୟ ସିଜିନ । ଏହି କ୍ରମରେ ସେପ୍ଟେମ୍ବର ୨୬, ୨୭ ଏବଂ ୨୯ରେ ବାରବାଟୀ ଷ୍ଟାଡିଅମରେ ଖେଳାଯିବ ଏହି ଟୁର୍ଣ୍ଣାମେଣ୍ଟର ତିନୋଟି ଲିଗ ମ୍ୟାଚ । ସେପ୍ଟେମ୍ବର ୨୬ ରେ ବାରବାଟୀରେ ହେବାକୁଥିବା ପ୍ରଥମ ମ୍ୟାଚରେ ଭାରତୀୟ କ୍ରିକେଟ ଦଳର ଦୁଇ ପୁରୁଣା ଖେଳାଳି ହରଭଜନ ସିଂ ଓ ଇରଫାନ ପଠାନ ମୁହାଁମୁହିଁ ହେବେ । ଇରଫାନ ପଠାନ ଭିଲୱାରା କିଙ୍ଗସର ନେତୃତ୍ୱ ନେଉଥିବାବେଳେ ହରଭଜନ ସିଂ କ୍ୟାପଟେନ ମହିପାଲ ଟାଇଗର୍ସର ନେତୃତ୍ୱ ନେଉଛନ୍ତି ।
ପ୍ରଥମ ସିଜିନକୁ ଓମାନରେ ସଫଳତା ସହ ଆୟୋଜନ ପରେ ଚଳିତ ବର୍ଷ ଏହା ଭାରତରେ ଆୟୋଜନ ହେବ । ଏଥିରେ ଭାରତର ୨୫ଜଣ କିମ୍ବଦନ୍ତୀ ଖେଳାଳିଙ୍କୁ ମିଶାଇ ଏଥିରେ ବିଦେଶର ବହୁ କ୍ରିକେଟ ଲିଜେଣ୍ଡସ ମଧ୍ୟ ନଜର ଆସିବେ । ଏହି ଟୁର୍ଣ୍ଣାମେଣ୍ଟର ବ୍ରାଣ୍ଡ ଅମ୍ବାସାଡର ବଲିଉଡ ଲିଜେଣ୍ଡ ଅଭିନେତା ଅମିତାଭ ବଚନ ରହିଥିବା ବେଳେ କମିସନର ରହିଛନ୍ତି ପୂର୍ବତନ ଭାରତୀୟ କ୍ରିକେଟର ରବି ଶାସ୍ତ୍ରୀ । ଟୁର୍ଣ୍ଣାମେଣ୍ଟରେ ୪ଟି ଦଳକୁ ନେଇ ୧୫ଟି ମ୍ୟାଚ ଖେଳାଯିବ ।