ନୂଆଦିଲ୍ଲୀ: ଆଫଗାନିସ୍ତାନ ସହିତ ତିନିମ୍ୟାଚ ବିଶିଷ୍ଟ ଟି-୨୦ ସିରିଜ ଖେଳିବା ପାଇଁ ଭାରତ ପକ୍ଷରୁ ଟିମ୍ ଘୋଷିତ ହୋଇଛି । ରୋହିତ ଶର୍ମାଙ୍କ ନେତୃତ୍ୱରେ ଭାରତ ଆଫଗାନିସ୍ତାନ ବିପକ୍ଷରେ ମଇଦାନକୁ ଓହ୍ଲାଇବ ।
ଆହୁରି ପଢ଼ନ୍ତୁ...
ବିରାଟ କୋହଲି ଟି-୨୦ ଫର୍ମାଟକୁ ଫେରିଛନ୍ତି । ଟି-୨୦ ଖେଳିବା ପାଇଁ ଉଭୟ ରୋହିତ ଓ କୋହଲି ବିସିସିଆଇକୁ ଅନୁରୋଧ କରିଥିଲେ । ରୋହିତ ତିନୋଟି ଫର୍ମାଟ ପାଇଁ ଅଧିନାୟକ ଅଛନ୍ତି । କିନ୍ତୁ ବିରାଟ କୋହଲି ପ୍ରାୟ ବର୍ଷେ ହେବ ଟି-୨୦ ମ୍ୟାଚ୍ ଖେଳିନାହାନ୍ତି ।
ଆଫଗାନ ପାଇଁ ଘୋଷିତ ଭାରତୀୟ ଟିମରୁ ମହମ୍ମଦ ସିରାଜ ଓ ଜସପ୍ରୀତ ବୁମରାହଙ୍କୁ ବାଦ ଦିଆଯାଇଛି । ଉଭୟ ଦ୍ରୁତ ବୋଲର ଦକ୍ଷିଣ ଆଫ୍ରିକା ବିରୋଧରେ ଭାରତକୁ ଜିତାଇବା ଦିଗରେ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଥିଲେ । ଇଂଲଣ୍ଡ ଟେଷ୍ଟ ବିପକ୍ଷରେ ଉଭୟ ଖେଳାଳିଙ୍କୁ ମଇଦାନକୁ ଛାଡ଼ିବା ପାଇଁ ଚୟନକର୍ତା କମିଟି ବିଚାର କରିଛି ।