ମୁମ୍ବାଇ: ଆଇପିଏଲ-୨୦୨୨ରେ ଆରସିବିର ପୂର୍ବତନ ଅଧିନାୟକ ବିରାଟ କୋହଲି ପ୍ରଶଂସକଙ୍କୁ ପୂରା ନିରାଶ କରିଛନ୍ତି । ସେ ୧୬ ମ୍ୟାଚ୍ ଖେଳି ମାତ୍ର ୨୨.୭୩ ହାରରେ କେବଳ ଦୁଇଟି ଅର୍ଦ୍ଧଶତକ ସହ ୩୪୧ ରନ କରିଛନ୍ତି । କୋହଲିଙ୍କର ଏହି ଦୁର୍ବଳ ପ୍ରଦର୍ଶନ ବୀରେନ୍ଦ୍ର ସେହବାଗଙ୍କ ସହ ବହୁ ପୂର୍ବତନ ଭାରତୀୟ କ୍ରିକେଟଙ୍କୁ ହତାଶ କରିଛି।
ଆହୁରି ପଢ଼ନ୍ତୁ...
କୋହଲିଙ୍କ ଭଳି ଜଣେ ବିଶ୍ୱସ୍ତରୀୟ ବ୍ୟାଟର ଏକାଧିକ ଅପରିଚିତ ବୋଲରଙ୍କୁ ସମ୍ମୁଖୀନ ହେବାରେ ନିୟମିତ ଭାବେ ବିଫଳ ହେବା ସେମାନଙ୍କୁ ବିସ୍ମିତ କରିଛି । କୋହଲିଙ୍କ ଫର୍ମକୁ ନେଇ ଦେଇଥିବା ପ୍ରଥମ ପ୍ରତିକ୍ରିୟାରେ ସେହ୍ୱାଗ କହିଛନ୍ତି ଯେ ଆମେ ଜାଣିଥିବା କୋହଲି ସେ ନୁହନ୍ତି ।
ଚଳିତ ସିଜିନରେ ଯେମିତି ଭିନ୍ନ ଜଣେ କୋହଲି ଖେଳୁଥିଲେ । କାରଣ ସେ ଯେତିକି ତ୍ରୁଟି କରିଛନ୍ତି ତାଙ୍କ ପୂରା ଖେଳ ଜୀବନରେ ବି ସେତିକି କରିନଥିବେ । ଅବଶ୍ୟ ଯେତେବେଳେ ଆପଣ ରନ କରିପାରନ୍ତି ନାହିଁ, ସେତେବେଳେ ଅପଣଙ୍କ ସହ ଏମିତି ଘଟିଥାଏ ।