ସାମ୍ବାଦିକ ସମ୍ମିଳନୀରେ ସୂଚନା ଦେଲେ ଶୁଭ୍ରାଂଶୁ। ଓସିଏ ରେ ଏନଓସି ପାଇଁ ଆବେଦନ କରିଥିଲେ ଶୁଭ୍ରାଂଶୁ। ଓସିଏ ଶୁଭ୍ରାଂଶୁଙ୍କ ଏନଓସିକୁ ଗ୍ରହଣ କରିଛି। ଶୁଭ୍ରାଂଶୁ ଓଡ଼ିଶା କ୍ରିକେଟର ଜଣେ ଉଦିୟମାନ ଖେଳାଳି ଥିଲେ। ସେ ଓଡ଼ିଶା କ୍ରିକେଟ ଛାଡିବା ପରେ ମଧ୍ୟପ୍ରଦେଶ ପାଇଁ ଖେଳିବେ। ଏନଓସି ପାଇବା ପରେ ଗଣମାଧ୍ୟମକୁ ପତିକ୍ରିୟାରେ ଶୁଭ୍ରାଂଶୁ କହିଛନ୍ତି। ଏହା ମୋର ବ୍ୟକ୍ତିଗତ ନିଷ୍ପତ୍ତି। ମୋ କ୍ୟାରିୟର ପାଇଁ ନିଷ୍ପତ୍ତି ନେଇଛି। ପୂର୍ବରୁ କିଛି ଖେଳାଳି ବାହାରକୁ ଯାଇ ସଫଳତା ପାଇଛନ୍ତି। ମୋର ବି ଆଶା ମୁଁ ସଫଳତା ପାଇବି।
ମଧ୍ୟପ୍ରଦେଶ କ୍ରିକେଟର କୋଚ ଚନ୍ଦ୍ରକାନ୍ତ ପଣ୍ଡିତ ମୋତେ ଯୋଗାଯୋଗ କରିଥିଲେ। ଓସିଏର ସପୋର୍ଟ ରହିଛି। ଓସିଏକୁ ଧନ୍ୟବାଦ। ମୋର ଏନଓସି କୁ ଗ୍ରହଣ କରିଛନ୍ତି। ମୋତେ ଗୋଟେ ସୁଯୋଗ ମିଳିଛି ତେଣୁ ମୁଁ ମୋ ଭବିଷ୍ୟତ ପାଇଁ ନିଷ୍ପତ୍ତି ନେଇଛି। ଭଲ ଟିମ୍ ଓ ଭଲ କୋଚଙ୍କ ପକ୍ଷରୁ ମୋତେ ସୁଯୋଗ ଦେବା ପାଇଁ ବିଶ୍ୱାସ ଦେଇଛନ୍ତି। ତେଣୁ ମୁଁ ଏହି ନିଷ୍ପତ୍ତି ନେଇଛି। ଓସିଏରେ କିଛି ଅଭାବ ତ୍ରୁଟି ନାହିଁ, ସମସ୍ତେ ଏଠି ଖେଳି ଆଗକୁ ଯାଇ ପାରିବେ। ମୋର ଏ ନିଷ୍ପତ୍ତି ବ୍ୟକ୍ତିଗତ ବୋଲି କହିଲେ ଶୁଭ୍ରାଂଶୁ।
ଶୁଭ୍ରାଂଶୁ ସେନାପତି ଓଡିଶା କ୍ରିକେଟ ଛାଡିବା ନେଇ ଓସିଏ ସମ୍ପାଦକ ସଞ୍ଜୟ ବେହେରା କହିଛନ୍ତି, ଶୁଭ୍ରାଂଶୁ ସେନାପତି ଆମ ରାଜ୍ୟର ଗୋଟେ ଆସେଟ। ମୁଁ ଓ ଓସିଏ ପକ୍ଷରୁ ତାଙ୍କୁ ସବୁବେଳେ ସପୋର୍ଟ ଯୋଗାଇ ଦିଆଯାଇଛି। ଚନ୍ଦ୍ରକାନ୍ତ ପଣ୍ଡିତ ମଧ୍ୟପ୍ରଦେଶ ଓ ଏକ ଆଇପିଏଲ ଟିମର କୋଚ ଅଛନ୍ତି। ଯଦି ଚନ୍ଦ୍ରକାନ୍ତ ପଣ୍ଡିତଙ୍କ ମାଧ୍ୟମରେ ଶୁଭ୍ରାଂଶୁଙ୍କ କ୍ୟାରିୟର ହେଇ ପାରିବ ତାହାଲେ ଆମେ ଖୁସି ହେବୁ। ଓସିଏ ସବୁବେଳେ ଖେଳାଳିଙ୍କ ସାଙ୍ଗରେ ଥାଏ। ଓସିଏ କୁ ମଧ୍ୟ ବାହାର ରାଜ୍ୟର ଖେଳାଳି ଓଡ଼ିଶାରେ ଖେଳିବା ପାଇଁ ଅନୁରୋଧ କରିଛନ୍ତି। କିନ୍ତି ଓସିଏ ଓଡ଼ିଶାର ଖେଳାଳିଙ୍କୁ ଖେଳିବାର ସୁଯୋଗ ଦେଇଛି।
ଶୁଭ୍ରାଂଶୁଙ୍କୁ ଅଧିନାୟକ ପଦ ଦିଆଯାଇଥିଲା। ସବୁବେଳେ ଓସିଏ ଶୁଭ୍ରାଂଶୁଙ୍କ ସହିତ ଥିଲା। ଅନ୍ୟ ରାଜ୍ୟ ପାଇଁ ଖେଳିବା, ତାଙ୍କର ବ୍ୟକ୍ତିଗତ ନିଷ୍ପତି। ସେ ମୋତେ ଅନୁରୋଧ କରିଥିଲେ, ଏନଓସିକୁ ଗ୍ରହଣ କରିବ ପାଇଁ। ଆମେ ଏହାକୁ ଗ୍ରହଣ କରିଛୁ। ସେ ଓଡ଼ିଶାର ପିଲା, ସେ ଓଡ଼ିଶା ପାଇଁ ଖେଳି ସଫଳତା ପାଇଛି, କିନ୍ତୁ ଏବେ ସେ ବାହାର ରାଜ୍ୟ ପାଇଁ ଖେଳିବା ପାଇଁ ଚାହୁଁଛନ୍ତି , ଯଦି ସେ ବାହାରେ ଖେଳି ଅଧିକ ସଫଳତା ପାଇବେ ତାହାଲେ ଆମେ ଖୁସି ହେବୁ। ବିସିସିଆଇ ପକ୍ଷରୁ ଏଭଳି ସିଷ୍ଟମ ରହିଛି। ଖେଳାଳି ନିଜ ରାଜ୍ୟ ପାଇଁ ଖେଳି ପାରିବ ଓ ଅନ୍ୟ ରାଜ୍ୟ ପାଇଁ ବି ଖେଳି ପାରିବ। ଏଥିରେ ଆମେ ପ୍ରତିବନ୍ଧକ ଲଗାଇ ପାରିବୁ ନାହିଁ। ଆଗାମୀ ଦିନରେ ଓଡ଼ିଶା ଟିମ ଭଲ ପଦର୍ଶନ କରିବ ବୋଲି ଆମେ ଆଶା ରଖିଛୁ ବୋଲି କହିଛନ୍ତି ଓସିଏ ସମ୍ପାଦକ ସଞ୍ଜୟ ବେହେରା।