ନୂଆଦିଲ୍ଲୀ : ଆସନ୍ତା ଶନିବାରଠାରୁ ଶ୍ରୀଲଙ୍କା-ଭାରତ ମଧ୍ୟରେ ଦ୍ୱିତୀୟ ଟେଷ୍ଟ ଖେଳାଯିବ । ସେହିପରି ଟେଷ୍ଟ ନୂଆ ଅଧିନାୟକ ରୋହିତ ଶର୍ମାଙ୍କ ନେତୃତ୍ୱରେ ଭାରତ ଦ୍ୱିତୀୟ ଟେଷ୍ଟ ମଇଦାନକୁ ଓହ୍ଲାଇବ । ତେବେ ପ୍ରଥମ ଟେଷ୍ଟକୁ ଭାରତ ସହଜରେ ଜିତିନେଇଥିବାବେଳେ ଦ୍ୱିତୀୟ ଟେଷ୍ଟକୁ ଜିତି ସିରିଜ ହାତେଇବା ଲକ୍ଷ୍ୟରେ ରୋହିବେ ରୋହିତ ବାହିନୀ । ସେହିପରି ଶ୍ରୀଲଙ୍କା ମଧ୍ୟ ପ୍ରଥମ ଟେଷ୍ଟରୁ ଶୋଚନୀୟ ପରାଜୟବରଣ କରିଥିବାରୁ ସେ ଏଥର ତାର ପ୍ରତିଶୋଧ ନେବାକୁ ଚେଷ୍ଟା କରିବ ।
ଆହୁରି ପଢ଼ନ୍ତୁ...
ସୂଚନାଯୋଗ୍ୟ ଯେ, ପ୍ରଥମ ଟେଷ୍ଟ ମ୍ୟାଚ ଶ୍ରୀଲଙ୍କାକୁ ୨୨୨ ରନରେ ପରାସ୍ତ କରିଥିଲା ଭାରତ । ସେହିପରି ଅଧିନାୟକ ରୋହିତ ଶର୍ମା ଓ ପୂର୍ବତନ ଅଧିନାୟର ବିରାଟ କୋହଲିଙ୍କ ପାଇଁ ଏହି ମୁକାବିଲା ଖାସ୍ ହେବାକୁ ଯାଉଛି । କାରଣ ଏହି ମୁକାବିଲାରେ ବିରାଟଙ୍କଠାରୁ ତାଙ୍କ ପ୍ରଶଂସକ ଶତକ ଆଶା ରଖିଛନ୍ତି । ତେବେ ଦ୍ୱିତୀୟ ମୁକାବିଲା ଜିତି ଭାରତ ସିରିଜ ଜିତିବାକୁ ଲକ୍ଷ୍ୟ ରଖିବ । ପୂର୍ବରୁ ଦଳ ଟି୨୦ ସିରିଜରେ ଶ୍ରୀଲଙ୍କାକୁ ମାତ୍ ଦେଇଥିଲା ।