ଆଇପିଏଲ ଫିକ୍ସିଂ ଅଭିଯୋଗ ଆଣିଲେ ସୁବ୍ରମଣ୍ୟମ

ନୂଆଦିଲ୍ଲୀ: ନିକଟରେ ଶେଷ ହୋଇଥିବା ଆଇପିଏଲ-୨୦୨୨ ଫାଇନାଲ ମୁକାବିଲା ଫିକ୍ସିଂ ହୋଇଥିବା ମଧ୍ୟ ଚର୍ଚ୍ଚା ହୋଇଥିଲା । ଆଇପିଏଲ-୨୦୨୨ର ଫାଇନାଲ ମୁକାବିଲାରେ ନୂଆ ଆଇପିଏଲ ଟିମ ଗୁଜରାଟ ଟାଇଟନ୍ସ ରାଜସ୍ଥାନ ରୟାଲ୍ସକୁ ହରାଇ ଟାଇଟେଲ ନିଜ ନାମରେ କରିଥିଲା । ଏବେ ଆଇପିଏଲ ଫାଇନାଲ ମ୍ୟାଚକୁ ନେଇ ବିଜେପି ନେତା ସୁବ୍ରମଣ୍ୟମ ସ୍ୱାମୀ ମଧ୍ୟ ଫିକ୍ସିଂ ଅଭିଯୋଗ ଆଣିଛନ୍ତି । ସୁବ୍ରମଣ୍ୟମ ସ୍ୱାମୀ ବିସିସିଆଇକୁ ଟାର୍ଗେଟ କରିଛନ୍ତି । ସ୍ୱାମୀ ଆଇପିଏଲ-୨୦୨୨ର ଫାଇନାଲ ମୁକାବିଲା ଫିକ୍ସିଂ ହୋଇଥିବା ଅଭିଯୋଗ କରିଛନ୍ତି । ନିଜ ଟ୍ୱିଟର ଆକାଉଣ୍ଟରେ ସୁବ୍ରମଣ୍ୟମ ଏକ ଟ୍ୱିଟ କରି ଲେଖିଛନ୍ତି ଯେ, ଇଣ୍ଟେଲିଜେନ୍ସ ଏଜେନ୍ସି ଅନୁଯାୟୀ ଫଳାଫଳରେ ଫିକ୍ସିଂ କରାଯାଇଛି । ଏଥିପାଇଁ ତଦନ୍ତର ଆବଶ୍ୟକତା ରହିଛି ଓ ଯାଞ୍ଚ ପାଇଁ ଜନହିତ ଯାଚିକା ଦାଏର କରିବା ଜରୁରୀ ।