ୱର୍ଣ୍ଣଙ୍କୁ ଶ୍ରଦ୍ଧାଞ୍ଜଳି ଜଣାଇଲେ ଇଂଲଣ୍ଡ-ନ୍ୟୁଜିଲାଣ୍ଡ ଖେଳାଳି

ନୂଆଦିଲ୍ଲୀ : ଲର୍ଡସ ଷ୍ଟାଡିୟମରେ ଇଂଲଣ୍ଡ-ନ୍ୟୁଜିଲାଣ୍ଡ ମଧ୍ୟରେ ଟେଷ୍ଟ ସିରିଜ ଖେଳାଯାଉଛି । ତେବେ ଏହି ମ୍ୟାଚରେ ଅଷ୍ଟ୍ରେଲିଆର ପୂର୍ବତନ ବୋଲର ଦିବଂଗତ ସେନ ୱର୍ଣ୍ଣଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ ଉଭୟ ଖେଳାଳି । ନ୍ୟୁଜିଲାଣ୍ଡ ଇନିଂସ ବେଳେ ୨୩ ତମ ଓଭରରେ ୨୩ ସେକେଣ୍ଡ ପାଇଁ ମ୍ୟାଚକୁ ରୋକା ଯାଇଥିଲା ଓ ୱର୍ଣ୍ଣଙ୍କୁ ଶ୍ରଦ୍ଧାଞ୍ଜଳି ଦିଆଯାଇଥିଲା । ଏହି ସମୟରେ ଫ୍ୟାନ, ଖେଳାଳି ଓ ଅମ୍ପାୟାରଙ୍କ ସମେତ ଅନ୍ୟ ସମସ୍ତେ ଠିଆ ହୋଇ ସମ୍ମାନ ଜଣାଇଥିଲେ ।

ସୂଚନାଯୋଗ୍ୟ ଯେ, ଚଳିତ ବର୍ଷ ମାର୍ଚ୍ଚ ୪ରେ ଥାଇଲାଣ୍ଡରେ ସେନ ୱର୍ଣ୍ଣଙ୍କ ମୃତ୍ୟୁ ହୋଇଥିଲା । ସେ ୫୨ ବର୍ଷ ବୟସରେ ଶେଷ ନିଃଶ୍ୱାସ ତ୍ୟାଗ କରିଥିଲେ । ଥାଇଲାଣ୍ଡକୁ ଛୁଟି କାଟିବାକୁ ଯିବା ବେଳେ ତାଙ୍କର ପରଲୋକ ହୋଇଥିଲା ।