ନୂଆଦିଲ୍ଲୀ : ଚଳିତ ବର୍ଷ ନଭେମ୍ବରରେ ଆରବ ଦେଶ କାତାରରେ ଫିଫା ଫୁଟବଲ ବିଶ୍ୱକପ ୨୦୨୨ ଆୟୋଜିତ ହେଉଛି । ଏହି ସମୟ ମଧ୍ୟରେ, ବିଶ୍ୱର ବହୁ ସଂଖ୍ୟକ ଫୁଟବଲ ପ୍ରେମୀ ଏଠାରେ ପହଞ୍ଚିବେ । ତେବେ ଏଠାରେ ଫିଫା ବିଶ୍ୱକପ ଫୁଟବଲ ପ୍ରଶଂସକଙ୍କୁ ବିଭିନ୍ନ ଚ୍ୟାଲେଞ୍ଜର ସାମ୍ନା କରିବାକୁ ପଡିପାରେ । ଏଲଜିବିଟିକ୍ୟୁ ଉପରେ ମାନବିକ ଅଧିକାରର ଉଲ୍ଲଂଘନ ଉପରେ ନିଜର ଆଭିମୁଖ୍ୟ ନେଇ କାତାର ପୂର୍ବରୁ ଆଲୋଚନା କରୁଛି । ବର୍ତ୍ତମାନ ଖବର ପ୍ରକାଶ ପାଇଛି ଯେ ବିଶ୍ୱକପ ସମୟରେ କାତାର ୱାନ ନାଇଟ ଷ୍ଟାଣ୍ଡ ଏବଂ ସର୍ବସାଧାରଣରେ ରୋମାନ୍ସକୁ ମଧ୍ୟ ନିଷିଦ୍ଧ କରିଛି । ରିପୋର୍ଟ ଅନୁଯାୟୀ, କାତାର ସ୍ପଷ୍ଟ କରିଛି ଯେ ବିଦେଶୀ ଅତିଥିମାନଙ୍କୁ ଏହି ଦେଶର କଠୋର ନିୟମ ମାନିବାକୁ ପଡ଼ିବ । ଦମ୍ପତି ନହୋଇ ଶାରୀରିକ ସମ୍ପର୍କ ସ୍ଥାପନ କରୁଥିବା ବ୍ୟକ୍ତିଙ୍କୁ ଦେଶର ଆଇନ ବ୍ୟବସ୍ଥା ଅନୁସାରେ ୭ ବର୍ଷ ପର୍ଯ୍ୟନ୍ତ ଜେଲ ଯାଇପାରେ ବୋଲି ସରକାର କହିଛନ୍ତି ।
ଏହା ବ୍ୟତୀତ କାତାର ସରକାରଙ୍କ ଦ୍ୱାରା ଅନ୍ୟାନ୍ୟ କଡା ନିୟମ ଲାଗୁ କରାଯାଇଛି । ଯାହା ପାଶ୍ଚାତ୍ୟ ପର୍ଯ୍ୟଟକଙ୍କ ପାଇଁ ପାଳନ କରିବା କଷ୍ଟକର ହୋଇପାରେ । ଯାହା ଅନୁଯାୟୀ ବିବାହ କରି ନଥିବା ଲୋକେ ସାଥୀଙ୍କ ସହ ଶାରୀରିକ ସମ୍ପର୍କ ରଖିବା ଏକ ବଡ ଅପରାଧ । ଏହି ରିପୋର୍ଟରେ କାତାରରେ ଫୁଟବଲ ମ୍ୟାଚ ପରେ ପାର୍ଟି ଏବଂ ମଦ୍ୟପାନ ଉପରେ ମଧ୍ୟ ନିଷେଧାଦେଶ ଜାରି କରାଯାଇଛି । ଯଦି ଦମ୍ପତି ବୋଲି କହୁଥିବା ପୁରୁଷ ଏବଂ ମହିଳାଙ୍କ ଉପନାମ ସମାନ ନଥିବ ସେମାନଙ୍କୁ ହୋଟେଲରେ ଏକାଠି ଗୋଟିଏ କୋଠରୀରେ ରହିବାର ସୁଯୋଗ ପ୍ରଦାନ କରାଯିବ ନାହିଁ ।
ଏକାଠି ଏକ କୋଠରୀ ପାଇବାକୁ ହେଲେ ସେମାନଙ୍କୁ ପ୍ରମାଣ ଦାଖଲ କରିବାକୁ ପଡିବ ଯେ ସେମାନେ ସ୍ତ୍ରୀ ଏବଂ ସ୍ୱାମୀ ଅଟନ୍ତି । ଫିଫା ବିଶ୍ୱକପ ମୁଖ୍ୟ ଅଧିକାରୀ ନାସିର କହିଛନ୍ତି ଯେ ସର୍ବସାଧାରଣ ସ୍ଥାନରେ ରୋମାନ୍ସ କାତାର ସଂସ୍କୃତିର ଅଂଶ ନୁହେଁ । ତେଣୁ ଆମେ ବିଦେଶୀ ଅତିଥିମାନଙ୍କୁ ଏହାର ଅନୁମତି ଦେଇ ପାରିବୁ ନାହିଁ ।