ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଭାରତର ବୈଷୟିକ ବୟନ କ୍ଷେତ୍ର କିପରି ଏକ ପରିବର୍ତ୍ତନମୂଳକ ପର୍ଯ୍ୟାୟ ଦେଇ ଗତି କରୁଛି ସେ ବିଷୟରେ ଏକ ଆଲେଖ୍ୟ ଶେୟାର କରିଛନ୍ତି । ଏହା ଜାତୀୟ ବୈଷୟିକ ବୟନ ମିଶନ (ଏନ୍ଟିଟିଏମ୍) ଏବଂ ଉତ୍ପାଦନ ସଂଯୋଗିତ ପ୍ରୋତ୍ସାହନ (ପିଏଲ୍ଆଇ) ଯୋଜନା ଭଳି ପ୍ରମୁଖ ସରକାରୀ ପଦକ୍ଷେପ ଦ୍ୱାରା ପରିଚାଳିତ । ଏହି ପ୍ରୟାସଗୁଡିକ ଘରୋଇ ଉତ୍ପାଦନକୁ ଉଲ୍ଲେଖନୀୟ ଭାବରେ ବଢ଼ାଇବା ସହ ନବସୃଜନ ଓ ରପ୍ତାନିକୁ ପ୍ରୋତ୍ସାହିତ କରୁଛି ଏବଂ ଭାରତକୁ ବୈଷୟିକ ବୟନ କ୍ଷେତ୍ରରେ ବିଶ୍ୱସ୍ତରରେ ଅଗ୍ରଣୀ ସ୍ଥାନରେ ପହଞ୍ଚାଇଛି ।
କେନ୍ଦ୍ରମନ୍ତ୍ରୀ ଶ୍ରୀ ଗିରିରାଜ ସିଂହଙ୍କ ଦ୍ୱାରା ଏକ୍ସରେ କରାଯାଇଥିବା ଏକ ପୋଷ୍ଟ ଉପରେ ମନ୍ତବ୍ୟ ଦେଇ ଶ୍ରୀ ମୋଦୀ କହିଛନ୍ତି;
“ଭାରତର ବୈଷୟିକ ବୟନ କ୍ଷେତ୍ର ଦ୍ରୁତ ଅଭିବୃଦ୍ଧି ହାସଲ କରୁଛି, ଯାହା ଜାତୀୟ ବୈଷୟିକ ବୟନ ମିଶନ ଏବଂ ପିଏଲ୍ଆଇ ଯୋଜନା ଭଳି ପ୍ରମୁଖ ପଦକ୍ଷେପ ଦ୍ୱାରା ପରିଚାଳିତ । ଏହି ପ୍ରୟାସଗୁଡିକ ଉତ୍ପାଦନ, ନବସୃଜନ ଏବଂ ରପ୍ତାନିକୁ ପ୍ରୋତ୍ସାହିତ କରିବା ସହ ଭାରତକୁ ବିଶ୍ୱସ୍ତରରେ ଅଗ୍ରଣୀ କରାଉଛି ।