ଭାରତୀୟ ନିର୍ବାଚନ କମିଶନ ବଡ଼ ସୂଚନା ଜାରି କରିଛନ୍ତି । ବିହାର ବିଧାନସଭା ନିର୍ବାଚନ ସହ ଦେଶର ବିଭିନ୍ନ ରାଜ୍ୟର ୯ ବିଧାନସଭା ଆସନରେ ଉପନିର୍ବାଚନ ହେବ । ଆଉ ଏଥିରେ ରହିଛି ଓଡ଼ିଶାର ନୂଆପଡ଼ା ବିଧାନସଭା ଆସନ ନାଁ ।
ନିଯୁକ୍ତ ହେବାକୁ ଥିବା କେନ୍ଦ୍ରୀୟ ପର୍ଯ୍ୟବେକ୍ଷକ, ନିର୍ବାଚନ କମିଶନଙ୍କ ଅଧିନରେ ଭୋଟିଂ ପ୍ରକ୍ରିୟା ସରିବା ପର୍ଯ୍ୟନ୍ତ କାମ କରିବେ । କେନ୍ଦ୍ରୀୟ ପର୍ଯ୍ୟବେକ୍ଷକ ମୁକ୍ତ, ଅବାଧ ନିର୍ବାଚନ ପାଇଁ ପୋଲିସ, ପ୍ରଶାସନକୁ ସହଯୋଗ କରିବେ ।
ବିହାର ବିଧାନସଭା ସହ ବିଭିନ୍ନ ୯ ରାଜ୍ୟର ୯ ବିଧାନସଭା ଉପନିର୍ବାଚନ ପାଇଁ ନିର୍ବାଚନ କମିଶନ ୩୭୦ ଜଣ ଅଧିକାରୀଙ୍କୁ ପର୍ଯ୍ୟବେକ୍ଷକ ଭାବେ ମୁତୟନ କରିବେ । ଏଥିରେ ୩୨୦ ଜଣ IAS ଅଧିକାରୀ, ୬୦ ଜଣ IPS ଅଧିକାରୀଙ୍କ ସହ ୯୦ ଜଣ ଅନ୍ୟ ଅଧିକାରୀ ରହିଛନ୍ତି ।
ECI to deploy 470 Officers (320 IAS, 60
from IPS and 90 from IRS/IRAS/ICAS etc.) serving in various States as Central
Observers (General, Police and Expenditure) in Bihar and bye-
elections in certain statesRead more : https://t.co/EqhvezUXIq pic.twitter.com/ucCfjNi0T7
— Election Commission of India (@ECISVEEP) September 28, 2025
ସେପ୍ଟେମ୍ବର ୮ରେ ନୂଆପଡ଼ା ବିଧାୟକ ରାଜେନ୍ଦ୍ର ଢୋଲକିଆଙ୍କ ଦେହାନ୍ତ ହୋଇଥିଲା । ଖରିଆର୍ ରୋଡ୍ ଏନଏସି ଅଧ୍ୟକ୍ଷରୁ ନୂଆପଡ଼ା ବିଧାୟକ ହୋଇଥିଲେ ରାଜେନ୍ଦ୍ର ଢୋଲକିଆ । ସେ ୪ ଥର ବିଧାୟକ ଭାବେ ନିର୍ବାଚିତ ହୋଇ ବିଧାନସଭା ଯାଇଥିଲେ ।
ଥରେ ସ୍ଵାଧୀନ ଓ ୩ ଥର ବିଜେଡି ଟିକେଟରେ ବିଧାନସଭାକୁ ନିର୍ବାଚିତ ହୋଇଥିଲେ ଢୋଲକିଆ । ପୂର୍ବ ବିଜେଡି ସରକାରରେ ରାଜେନ୍ଦ୍ର ଢୋଲକିଆ ଯୋଜନା ଓ ସମନ୍ଵୟ ବିଭାଗର ମନ୍ତ୍ରୀ ଥିଲେ । ରାଜେନ୍ଦ୍ର ଢୋଲକିଆଙ୍କ ଦେହାନ୍ତ ପରେ ନୂଆପଡ଼଼ା ଆସନରେ ଉପନିର୍ବାଚନ ହେବାକୁ ଯାଉଛି ।