ସାପଚୋଟ ମୁହଁରୁ ମଣିଷ ଜୀବିତ ଫେରିବା କଥା ଉପରେ ସଂପୃକ୍ତ ଗ୍ରାମର ମହିଳା ଓ ଦୀପୁଙ୍କ ମା ସୁମନ ଦେବୀଙ୍କର ଅତୁଟ ବିଶ୍ୱାସ ଥିଲା । ଦୀପୁଙ୍କ ଶରୀରକୁ ଗଙ୍ଗାରେ ଭସାଇ ଦିଆଯିବା ଦେଖି କିଛି କେଳା ଗଙ୍ଗା କୂଳେ କୂଳେ ପ୍ରାୟ ହରିଆଣା ପର୍ଯ୍ୟନ୍ତ ଗଲେ ।

କେଳାମାନେ ଦୀପୁଙ୍କ ଶରୀରକୁ ପାଣିରୁ ଉଦ୍ଧାର କରି ହରିଆଣାସ୍ଥିତ ବଙ୍ଗାଳୀ ବାବାଙ୍କ ଆଶ୍ରମକୁ ନେଇଗଲେ । ବାବାଙ୍କ ପରାମର୍ଶ କ୍ରମେ କେଳାମାନେ ଦୀପୁଙ୍କୁ ଧରି ପଶ୍ଚିମବଙ୍ଗ ନେଇଗଲେ । ପଶ୍ଚିମବଙ୍ଗରେ ଦୀର୍ଘ ୬-୭ ବର୍ଷ ରହିବା ପରେ ଦୀପୁକୁ ପୁଣି ହରିଆଣାକୁ ନିଆଗଲା ।

ଦୀପୁଙ୍କର ଚିକିତ୍ସା ଚାଲିଥିବା କଥା ତାଙ୍କର ପରିବାର ଜାଣିବାକୁ ପାଇଲେ । ସେମାନେ ଦୀପୁଙ୍କୁ ଖୋଜିବାକୁ ଯାଇ ହରିଆଣାର ପଲବଲରେ ପହଂଚିଲେ ।

ଦୀପୁ ତାଙ୍କର ମା’ ବାପାଙ୍କୁ ଚିହ୍ନିଲେ । କିନ୍ତୁ ଚିକିତ୍ସା ଚାଲିଥିବା କାରଣରୁ ଦୀପୁଙ୍କୁ ଛାଡ଼ି ମା’ ବାପା ଘରକୁ ଫେରିଗଲେ ।

ଅକ୍ଟୋବର ୨୫ ତାରିଖ ଦିନ ଦୀପୁ କିଛି ସାଧୁସନ୍ଥଙ୍କ ସହିତ ସୂରଜପୁର ଗ୍ରାମରେ ପହଂଚିଲେ ।

୧୩ ବର୍ଷ ତଳେ ସାପ ଚୋଟ ମାରିଥିଲା । ୧୩ ବର୍ଷ ପରେ ପରିବାର ନିକଟକୁ ଫେରିବା ଦେଖି କିଛି ଲୋକ କାନକୁ ବିଶ୍ୱାସ କରି ପାରୁନାହାନ୍ତି ।