ବିନା ଗୁରୁରେ ଚିତ୍ର ଆଙ୍କି ‘ଇଣ୍ଡିଆ ବୁକ୍‌ ଅଫ ରେକର୍ଡ’ରେ ସ୍ମୃତିି

ରାଉରକେଲା: ରାଉରକେଲାର ଛେଣ୍ଡ କଲୋନିର ସ୍ମୃତିରେଖା ନାୟକ ଷ୍ଟିଲସିଟି ସହିତ ଓଡିଶା ପାଇଁ ଗର୍ବ ଓ ଗୌରବ ଆଣିଛନ୍ତି। ଗତବର୍ଷ ଇଣ୍ଡିଆ ବୁକ୍‌ ଅଫ ରେକର୍ଡରେ ସ୍ଥାନ ପାଇଥିବା ସ୍ମୃତି ଚଳିତବର୍ଷ ଓଡ଼ିଆ ବର୍ଣ୍ଣମାଳାର ୧୨,୯୭୬ଟି ଅକ୍ଷର ବ୍ୟବହାର କରି ପ୍ରଭୁ ଶ୍ରୀଜଗନ୍ନାଥଙ୍କ ଏକ ଉଲ୍ଲେଖନୀୟ ଚିତ୍ର ଆଙ୍କି ଏସିଆ ବୁକ୍‌ ଅଫ୍‌ ରେକର୍ଡର (ପରବର୍ତୀ ସଂସ୍କରଣ) ପାଇଁ ମନୋନୀତ ହୋଇଛନ୍ତି। ଚର୍ଚ୍ଚାରେ ଥିବା ଏହି ଚିତ୍ର ଆଙ୍କିବା ପାଇଁ ତାଙ୍କୁ ଏକମାସରୁ ଅଧିକ ସମୟ ଲାଗିଥିଲା। କେବଳ ଏତିକି ନୁହେଁ ସେ ୨୧ ପ୍ରକାର ମଞ୍ଜିରେ ସୁନ୍ଦର ଭାବେ ଭଗବାନ ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କ ଚିତ୍ର ଆଙ୍କଛନ୍ତି।