ଭାଇରାଲ ଭିଡିଓ ଘଟଣା 

ଓଡ଼ିଶା ସିଭିଲ ସେବା (ସିସି ଆଣ୍ଡ ଏ) ନିୟମାବଳୀ ୧୯୬୨ର ଧାରା ୧୨(୧)(କ) ଅନୁସାରେ ଏହି ପଦକ୍ଷେପ ନିଆଯାଇଛି।  ନିଲମ୍ବନ ସମୟରେ ତାଙ୍କର ମୁଖ୍ୟ କାର୍ଯ୍ୟାଳୟ କାକଟପୁର ଗୋଷ୍ଠୀ ଶିକ୍ଷା ଅଧିକାରୀ (BEO)ଙ୍କ କାର୍ଯ୍ୟାଳୟରେ ରହିବ ବୋଲି ନିର୍ଦ୍ଦେଶ ଦିଆଯାଇଛି।ଜିଲ୍ଲା ଶିକ୍ଷା ଅଧିକାରୀ ଶ୍ରୀ ସାହୁଙ୍କୁ ବିଦ୍ୟାଳୟର ସମସ୍ତ ଗୁରୁତ୍ୱପୂର୍ଣ୍ଣ ଦାୟିତ୍ୱ ଓ କାଗଜପତ୍ର ସେହି ବିଦ୍ୟାଳୟର ବରିଷ୍ଠ ସହକାରୀ ଶିକ୍ଷକଙ୍କୁ ହସ୍ତାନ୍ତର କରିବାକୁ କଡ଼ା ନିର୍ଦ୍ଦେଶ ଦେଇଛନ୍ତି। ବରିଷ୍ଠ ସହକାରୀ ଶିକ୍ଷକଙ୍କୁ ମଧ୍ୟ ଏହି ଦାୟିତ୍ୱ ଗ୍ରହଣ କରିବା ପାଇଁ ସ୍ୱତନ୍ତ୍ର ଭାବେ ଅବଗତ କରାଯାଇଛି।

ଏହି ଘଟଣାର ନକଲ ପୁରୀ ଜିଲ୍ଲାପାଳ, ମାଧ୍ୟମିକ ଶିକ୍ଷା ନିର୍ଦ୍ଦେଶକ ଏବଂ ବିଦ୍ୟାଳୟ ଓ ଗଣଶିକ୍ଷା ବିଭାଗର ଶାସନ ସଚିବଙ୍କ ନିକଟକୁ ଆବଶ୍ୟକୀୟ କାର୍ଯ୍ୟାନୁଷ୍ଠାନ ପାଇଁ ପ୍ରେରଣ କରାଯାଇଛି। ଶିକ୍ଷା ବିଭାଗର ଏହି କଠୋର ଆଭିମୁଖ୍ୟ ପରେ ସ୍ଥାନୀୟ ଅଞ୍ଚଳର ଶିକ୍ଷା ବ୍ୟବସ୍ଥାରେ ଶୃଙ୍ଖଳା ରକ୍ଷା ନେଇ ଚର୍ଚ୍ଚା ଜୋର ଧରିଛି। ସୂଚନା ଥାଉକି ବିଦ୍ୟାଳୟ ର ଚାବି କିଭଳି ଅଭିଯୁକ୍ତ ଅବସରପ୍ରାପ୍ତ ପିଅନ ଭ୍ରମରବର ସାହୁଙ୍କ ପାଖକୁ ଆସିଲା ପ୍ରଶ୍ନ ବାଙ୍ଗୁରିଗାଁ ରେ ଉଠିଥିବା ବେଳେ ଶିକ୍ଷା ବିଭାଗ ର କଡ଼ା ଆଭିମୁଖ୍ୟ କୁ ଅଞ୍ଚଳବାସୀ ସ୍ବାଗତ ଜଣାଇଛନ୍ତି।