ମୁମ୍ବାଇ: ବଲିଉଡ ଅଭିନେତା ରଣବୀର ସିଂହ ନିକଟରେ ଏକ ମ୍ୟାଗାଜିନ ପାଇଁ ଫଟୋସୁଟ କରିଥିଲେ । ଏହି ଫଟୋସୁଟ ସେ ବିନା ପୋଷାକରେ କରିଥିଲେ ଯାହାକୁ ନେଇ ବିବାଦ ସୃଷ୍ଟି ହୋଇଥିଲା । ଲୋକଙ୍କୁ ଏହି ଫଟୋସୁଟ ପସନ୍ଦ ନ ଆସିବାରୁ ତାଙ୍କ ବିରୋଧରେ ମାମଲା ଦାୟର କରାଯାଇଥିଲା । ମୁମ୍ବାଇ ପୁଲିସ ରଣବୀରଙ୍କ ବୟାନ ରେକର୍ଡ ବୟାନ ରେକର୍ଡ କରିଥିଲେ । ରଣବୀର ପୁଲିସ ଷ୍ଟେସନରେ ପାଖାପାଖି ୨ ଘଣ୍ଟା ଉପସ୍ଥିତ ରହିଥିଲେ । ପୁଲିସ ସୂତ୍ର ମୁତାବକ, ରଣବୀର ନିଜକୁ ନିର୍ଦ୍ଦୋଷ ଦର୍ଶାଇବା ସହ ସେ ଜାଣିନଥିଲେ ଗୋଟିଏ ଫଟୋସୁଟ ପାଇଁ ତାଙ୍କୁ ଏମିତି ସମସ୍ୟାର ସମ୍ମୁଖୀନ ହେବାକୁ ପଡିବ । କାହାର ଭାବନାକୁ କଷ୍ଟ ଦେବା ମୋ ଉଦ୍ଦେଶ୍ୟ ନଥିଲା ବୋଲି ରଣବୀର କହିଛନ୍ତି ।
