ମୁମ୍ବାଇ: ସାଉଥ ସୁପରଷ୍ଟାର ସୂର୍ଯ୍ୟାଙ୍କ ଅପକମିଙ୍ଗ ଫିଲ୍ମ ‘ସୂର୍ଯ୍ୟା ୪୨’ରେ ମୁଖ୍ୟ ନାୟିକା ଭୂମିକାରେ ଅଭିନୟ କରିଛନ୍ତି ବଲିଉଡ ଅଭିନେତ୍ରୀ ଦିଶା ପଟାନି । ଏହି ଫିଲ୍ମ ଜରିଆରେ ସେ କଲିଉଡ ଜଗତରେ ଏଣ୍ଟ୍ରି କରିବାକୁ ଯାଉଛନ୍ତି । ଦିଶା କହିଛନ୍ତି ସୂର୍ଯ୍ୟା ୪୨ରେ ଦର୍ଶକ ତାଙ୍କର ସମ୍ପୂର୍ଣ୍ଣ ଭିନ୍ନ ଚରିତ୍ର ଦେଖିବାକୁ ପାଇବେ, ଯାହା କେବେ ପରଦାରେ ଦେଖିନଥିଲେ । ସିରୁଥାଇ ଶିବାଙ୍କ ନିର୍ଦ୍ଦେଶନାରେ ନିର୍ମାଣାଧୀନ ଏହି ଫିଲ୍ମ ଫ୍ୟାନ୍?ଙ୍କ ପାଇଁ ଏକ ବଡ଼ ସରପ୍ରାଇଜ ହେବ । ୨୦୧୫ ମସିହାରେ ବରୁଣ ତେଜଙ୍କ ସହିତ ଟଲିଉଡ ଫିଲ୍ମ ‘ଲୋଫର’ ଜରିଆରେ ଦିଶା ଫିଲ୍ମ ଦୁନିଆରେ ପାଦ ଥାପିଥିଲେ । ଏହି ଫିଲ୍ମ ବକ୍ସ ଅଫିସରେ ବହୁତ ଖରାପ ପ୍ରଦର୍ଶନ କରିଥିଲା । କିନ୍ତୁ ନିଜ ପ୍ରଦର୍ଶନ ଜରିଆରେ ତେଲୁଗୁ ଦର୍ଶକଙ୍କ ମନ ଜିଣିବାରେ ଦିଶା ସଫଳ ହୋଇଥିଲେ । ‘ସୂର୍ଯ୍ୟା ୪୨’ ତାଙ୍କର ୨ୟ ସାଉଥ ଫିଲ୍ମ ହେବ । ଗତକାଲି ଫିଲ୍ମର ମୋସନ ପୋଷ୍ଟର ଲଞ୍ଚ ହୋଇଛି । ଏହି ଫିଲ୍ମଟି ୩ଡି ହେବ ଏବଂ ୧୦ଟି ଭାଷାରେ ମୁକ୍ତିଲାଭ କରିବ ବୋଲି ନିର୍ମାତା ଘୋଷଣା କରିଛନ୍ତି ।
Next Post