ନୂଆଦିଲ୍ଲୀ: ଗତ ୧୧ ତାରିଖରେ ‘ଦି କଶ୍ମୀର ଫାଇଲ୍ସ’ ରିଲିଜ୍ ହେବାର ପ୍ରଥମ ଦିନରେ ହିଁ ସିନେମା ହଲରେ ବହୁତ ଭିଡ଼ ଦେଖିବାକୁ ମିଳିଥିଲା । ତେବେ ବର୍ତ୍ତମାନ ଏହି ଫିଲ୍ମଟି ବକ୍ସ ଅଫିସରେ ଧୁମ୍ ମଚାଇ ଚାଲିଛି। ଗୋଟିଏ ସପ୍ତାହ ମଧ୍ୟରେ ଫିଲ୍ମଟି ୧୦୦ କୋଟି ମାଇଲଖୁଣ୍ଟ ପାର କରିସାରିଛି ।
ଆହୁରି ପଢ଼ନ୍ତୁ...
୧୫ କୋଟି ବଜେଟରେ ନିର୍ମାଣ ବିବେକ ଅଗ୍ନିହୋତ୍ରୀ ଦ୍ୱାରା ନିର୍ମିତ ଏହି ଫିଲ୍ମ ପ୍ରଥମ ଦିନରେ ୩.୫୫ କୋଟି ଟଙ୍କାର ବିଜିନେସ୍ କରିଥିଲା । ଏହାପରେ ଦ୍ୱିତୀୟ ଦିନରେ ୮.୫୦ କୋଟି, ତୃତୀୟ ଦିନରେ ୧୫.୧୦ କୋଟି, ଚତୁର୍ଥ ଦିନରେ ୧୫.୦୫ କୋଟି, ପଞ୍ଚମ ଦିନରେ ୧୮ କୋଟି, ଷଷ୍ଠ ଦିନରେ ୧୯.୦୫ କୋଟି ଓ ସପ୍ତମ ଦିନରେ ୧୮.୦୫ କୋଟି ଟଙ୍କା ଆୟ କରିଥିଲା ।
ଫିଲ୍ମଟି ପ୍ରଥମ ଦିନ ୬୩୦ରୁ ଅଧିକ ସ୍କ୍ରିନରେ ରିଲିଜ୍ ହୋଇଥିବା ବେଳେ ଦ୍ୱିତୀୟ ସପ୍ତାହରେ ଏହି ନମ୍ବର ବୃଦ୍ଧି ପାଇ ୪ ହଜାରରେ ପହଞ୍ଚିଛି । ଫିଲ୍ମଟି ବେଳକୁ ବେଳ ନୂଆ ନୂଆ ରେକର୍ଡ ସ୍ଥାପନା କରୁଥିବା ବେଳେ ଦର୍ଶକଙ୍କ ହୃଦୟ ଜିତିବାରେ ସହାୟକ ହେଉଛି ।