ମୁମ୍ବାଇ: ପୁଣିଥରେ ହଟ ସିଟରେ ବସିବେ କଙ୍ଗନା । କଙ୍ଗନା ରାଣାୱତ ପୁଣିଥରେ ନିର୍ଦ୍ଦେଶନା ଦେବାକୁ ଯାଉଛନ୍ତି । ଉକ୍ତ ଫିଲ୍ମ ବିଷୟରେ କଙ୍ଗନା କହନ୍ତି, ‘କ୍ରିସ ଜଗରଲାମୁଡିଙ୍କ ସହ ମିଳିତ ଭାବରେ ମୁଁ ପ୍ରଥମ ଥର ପାଇଁ ମଣିକର୍ଣ୍ଣିକା : ଦ କୁଇନ ଅଫ ଝାନସୀ’ରେ ନିର୍ଦ୍ଦେଶନା ଦେଇଥିଲି । ସେଥିରୁ ନିର୍ଦ୍ଦେଶନା ବିଷୟରେ ଅନେକ କିଛି ନୂଆ କଥା ଶିଖିଛି । ଏଥର ନିର୍ଦ୍ଦେଶନା ଦେବାକୁ ଯାଉଥିବା ଏହି ଦ୍ୱିତୀୟ ଫିଲ୍ମରେ ମୋତେ ବେଶ ସତର୍କତାର ସହ ଦାୟିତ୍ୱ ସମ୍ପାଦନ କରିବାକୁ ପଡ଼ିବ । କାରଣ ଏଥିରେ ନିର୍ଦ୍ଦେଶନା ଦେବା ସହଜ କଥା ନୁହେଁ । କାହିଁକି ନା ମୋର ନିଜ ଉପରେ ଦୃଢ଼ ବିଶ୍ୱାସ ରହିଛି ।
