ମୁମ୍ବାଇ : ଶାହିଦ କପୁରଙ୍କ ଫିଲ୍ମ ‘ଜର୍ସି’ର ରିଲିଜ ଡେଟ ଘୁଞ୍ଚାଇବାକୁ ନିଷ୍ପତ୍ତି ନେଇଛନ୍ତି ଫିଲ୍ମ ନିର୍ମାତା । ଏହି ଫିଲ୍ମ ୧୪ ଏପ୍ରିଲରେ ରିଲିଜ ହେବାର ଥିଲା କିନ୍ତୁ ବର୍ତ୍ତମାନ ଏହି ଫିଲ୍ମ ୨୨ ଏପ୍ରିଲରେ ପ୍ରେକ୍ଷାଳୟକୁ ଆସିବ । ଏକ ରିପୋର୍ଟ ଅନୁଯାୟୀ ବକ୍ସ ଅଫିସରେ କଲେକ୍ସସନ ପାଇଁ ଫିଲ୍ମର ନିର୍ମାତାମାନେ ରିଲିଜ ଡେଟକୁ ପରିବର୍ତ୍ତନ କରିଛନ୍ତି । ସୂଚନା ଅନୁଯାୟୀ ସାଉଥ ଷ୍ଟାର ବିଜୟଙ୍କ ଫିଲ୍ମ ‘ବିଷ୍ଟ’ ଏପ୍ରିଲ ୧୩ ରେ ମୁକ୍ତିଲାଭ କରିବାବେଳେ ୟଶଙ୍କ ଫିଲ୍ମ କେଜିଏଫ ଚାପ୍ଟର-୨ ଏପ୍ରିଲ ୧୪ ରେ ରିଲିଜ ହେଉଛି । ଏହି କାରଣରୁ ଜର୍ସିର ରିଲିଜ ଡେଟକୁ ପରିବର୍ତ୍ତନ କରାଯାଇଥାଇପାରେ ବୋଲି ଆଶା କରାଯାଉଛି ।
