ନୂଆଦିଲ୍ଲୀ: ଦେଶରେ ଥିବା ସମସ୍ତ ବ୍ୟାଙ୍କ ଆସନ୍ତା ୪ ଦିନ ପାଇଁ ବନ୍ଦ ରହିବ। ଶନିବାରଠାରୁ ଆସନ୍ତା ମଙ୍ଗଳବାର ଯାଏ ବ୍ୟାଙ୍କର ବ୍ରାଞ୍ଚ ଗୁଡ଼ିକରେ କୌଣସି ଆର୍ଥିକ କାରବାର ହେବନାହିଁ। କେବଳ ମୋବାଇଲ ଓ ଇଣ୍ଟରନେଟ୍ ବ୍ୟାଙ୍କିଂ ସେବା ଚାଲୁରହିବ।
ଆହୁରି ପଢ଼ନ୍ତୁ...
କେନ୍ଦ୍ର ସରକାର ବ୍ୟାଙ୍କଗୁଡ଼ିକର ଘରୋଇ କରଣ କରୁଥିବାରୁ ସମଗ୍ର ଦେଶର ବ୍ୟାଙ୍କ କର୍ମଚାରୀ ସଂଘ ଏହାକୁ ବିରୋଧ କରୁଛି। ଏଥିପାଇଁ ବ୍ୟାଙ୍କ କର୍ମଚାରୀ ସଂଘ ଦୁଇ ଦିନିଆ ଷ୍ଟ୍ରାଇକ୍ର ଡାକରା ଦେଇଛି। ଆସନ୍ତା ୧୫ ତାରିଖ(ସୋମବାର) ଓ ୧୬ ତାରିଖ(ମଙ୍ଗଳବାର) ସମଗ୍ର ଦେଶରେ ବିକ୍ଷୋଭ ପ୍ରଦର୍ଶନ କରାଯିବ। ଏଥିପାଇଁ ବ୍ୟାଙ୍କ ସେବା ୨ଦିନ ବନ୍ଦ ରହିବ। ଶନିବାର (ମାର୍ଚ୍ଚ ୧୩) ମାସର ଦ୍ୱିତୀୟ ଶନିବାର ଓ ୧୪ ତାରିଖ ରବିବାର ହୋଇଥିବାରୁ ବ୍ୟାଙ୍କ ଗୁଡ଼ିକ ସାଧାରଣତଃ ବନ୍ଦ ରହିଥାଏ।