ପାଟନା : ବିହାରର ୯ ଜଣ ନେତାଙ୍କୁ ବିଜେପି ଦଳରୁ ବାହାର କରିଦେଇଛି । ଯେଉଁ ୯ ଜଣ ନେତା ଲୋକ ଜନଶକ୍ତି ପାର୍ଟି (ଏଲଜେପି) ଟିକେଟରେ ନିର୍ବାଚନ ଲଢୁଥିଲେ ବିଜେପି ସେହି ନେତାମାନଙ୍କୁ ଦଳରୁ ବାହାର କରିଦେଇଛି । ବିଜେପିର ରାଜ୍ୟ ଅଧ୍ୟକ୍ଷ ଡ. ସଞ୍ଜୟ ଜୈସଓ୍ବାଲ ଚିଠି ଲେଖି ସେମାନଙ୍କ ନାଁ ଘୋଷଣା କରିଛନ୍ତି ।
ଆହୁରି ପଢ଼ନ୍ତୁ...
ଚିଠି ଅନୁସାରେ ଦଳ ରାମେଶ୍ୱର ଚୌରାସିଆ, ରାଜେନ୍ଦ୍ର ସିଂହ, ଡ. ଉଷା ବିଦ୍ୟାର୍ଥୀ, ବିଧାୟକ ରବୀନ୍ଦ୍ର ଯାଦବ, ଅନୀଲ କୁମାର, ଶ୍ଵେତା ସିଂହ, ଇନ୍ଦୁ କଶ୍ୟପ, ଅଜୟ ପ୍ରତାପ ଏବଂ ମୃଣାଳ ଶେଖରଙ୍କୁ ୬ବର୍ଷ ପାଇଁ ଦଳରୁ ବାହାର କରିଦିଆଯାଇଛି ।
ବିଜେପି ରାଜ୍ୟ ଅଧ୍ୟକ୍ଷ ଡ. ସଞ୍ଜୟ ଜୈସଓ୍ବାଲ ଚିଠିରେ ଲେଖିଛନ୍ତି ଯେ, ଏମାନେ ସମସ୍ତେ ଏନଡିଏ ଆଶାୟୀ ପ୍ରାର୍ଥୀଙ୍କ ବିରୋଧରେ ନିର୍ବାଚନ ଲଢୁଛନ୍ତି । ଏହାଦ୍ୱାରା ଦଳ ଏବଂ ଏନଡିଏର ଛବି ମଳିନ ହେଉଛି । ସେଥିପାଇଁ ସେମାନଙ୍କୁ ଦଳରୁ ବାହାରକରିବା ନେଇ ନିଷ୍ପତ୍ତି ନିଆଯାଇଛି ।