କୋଲକାତା: ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାର ଡ୍ରଗ୍ସ ଲିଙ୍କରେ ଗିରଫ ହୋଇଥିବା ରିୟା ଚକ୍ରବର୍ତ୍ତୀଙ୍କ ସମର୍ଥନରେ ବାହାରିଛି କଂଗ୍ରେସ । ଏନେଇ ଶନିବାର ପଶ୍ଚିମବଙ୍ଗ ପ୍ରଦେଶ କଂଗ୍ରେସ କମିଟି ତରଫରୁ ଏକ ଶୋଭାଯାତ୍ରା କରାଯାଇଛି।
ରିୟା ପଶ୍ଚିମବଙ୍ଗର ଝିଅ ହୋଇଥିବାରୁ ରାଜ୍ୟ କଂଗ୍ରେସ ପକ୍ଷରୁ ଏହି ଶୋଭାଯାତ୍ରା କରାଯାଇଥିଲା। କଂଗ୍ରେସ ରିୟାଙ୍କୁ “ବଙ୍ଗୀୟ” ଝିଅ ବୋଲି ସମ୍ବୋଧନ କରି ଟ୍ୱିଟ କରି କହିଛି ଯେ, ତାଙ୍କ ବିରୋଧରେ କରାଯାଉଥିବା ପ୍ରତିଶୋଧାତ୍ମକ ଆଚରଣ ଓ ରାଜନୈତିକ ଷଡ଼ଯନ୍ତ୍ରକୁ ଆଦୌ ବରଦାସ୍ତ କରାଯିବନି। ଲୋକସଭାରେ କଂଗ୍ରେସ ଦଳର ନେତା ତଥା ପଶ୍ଚିମବଙ୍ଗ କଂଗ୍ରେସର ସଭାପତି ଅଧୀର ରଞ୍ଜନ ଚୌଧିରୀଙ୍କ ନିର୍ଦେଶରେ ଏହି ଶୋଭାଯାତ୍ରା କରାଯାଇଥିଲା ।
ସୂଚାନଯୋଗ୍ୟ ଯେ, ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ରିୟାଙ୍କୁ ଜେରା କରାଯାଇଥିଲା । ଜେରା ସମୟରେ ରିୟାଙ୍କର ଡ୍ରଗ୍ସ ଲିଙ୍କ୍ ଥିବା ଜଣାପଡିଥିଲା । ଯାହାକୁ ନେଇ ଏନସିବି ତାଙ୍କ ଭାଇ ସୌଭିକ୍ ଚକ୍ରବର୍ତ୍ତୀଙ୍କ ସମେତ ମୋଟ ୬ ଜଣଙ୍କୁ ଗିରଫ କରିଛି ।