ନୂଆଦିଲ୍ଲୀ: ମଙ୍ଗଳବାର ଆସାମର ଇଏନଟି ସର୍ଜନ ଅରୂପ ସେନାପତି କୋଭିଡ ରୋଗୀଙ୍କ ମନୋରଞ୍ଜନ ପାଇଁ ‘ଘୁଙ୍ଗୁର’ ଗୀତରେ ଡ୍ୟାନ୍ସ କରିଛନ୍ତି । ଏବେ ଡାକ୍ତରଙ୍କ ଏହି ଡ୍ୟାନ୍ସ ସୋସିଆଲ ମିଡ଼ିଆରେ ବେଶ ଭାଇରାଲ ହେଉଛି। ଏହା ସହ ତାଙ୍କର ଖୁବ୍ ପ୍ରଶଂସା ମଧ୍ୟ କରାଯାଉଛି।ବଲିଉଡ ଅଭିନେତା ହ୍ରିତିକ ରୋଶନ ଡାକ୍ତର ଅରୁପ ସେନାପତିଙ୍କ ସାହସଙ୍କୁ ପ୍ରଶଂସା କରିଛନ୍ତି।
ଆସାମର ସିଲଚର ଚିକିତ୍ସା ମହାବିଦ୍ୟାଳୟରେ କାର୍ଯ୍ୟରତ ଡାକ୍ତର ସେନାପତି ହ୍ରିତିକଙ୍କ ଫିଲ୍ମ ‘ଓ୍ବାର’ ଗୀତରେ ଡାନ୍ସ କରିଛନ୍ତି। ତାଙ୍କର ଏଇ ଗୋଟିଏ ମିନିଟର ଭିଡ଼ିଓକୁ ତାଙ୍କ ସହକର୍ମୀ ଡାକ୍ତର ସୟଦ ଫେଜାନ ଅହମଦ ସାମାଜିକ ଗଣମାଧ୍ୟମରେ ସେୟାର କରିଛନ୍ତି। ଆଉ ଏହି ଭିଡିଓକୁ ହ୍ରିତିକ ତାଙ୍କ ଟ୍ବିଟର ଆକାଉଣ୍ଟରେ ସେୟାର କରିଛନ୍ତି। ତା’ ସହ ସେନାପତିଙ୍କ ଡ୍ୟାନ୍ସକୁ ପ୍ରଶଂସା କରିଛନ୍ତି। ଏହା ସହ ଅହମଦଙ୍କ ଟ୍ବିଟର ଉତ୍ତର ଦେଇ କହିଛନ୍ତି, ‘ଡାକ୍ତର ଅରୁପଙ୍କୁ କୁହନ୍ତୁ ସେ ତାଙ୍କ ଷ୍ଟେପକୁ ଶିଖୁଛନ୍ତି। କୌଣସି ଦିନ ଆସାମରେ ତାଙ୍କ ଭଳି ଡ୍ୟାନ୍ସ କରିବେ।
ଏବେ ସୁଦ୍ଧା ଏ ଭିଡ଼ିଓକୁ ୫,୬୫୦୦୦ ଥର ଦେଖା ଗଲାଣି ଓ ଏହାକୁ ସାତ ହଜାର ତିନିଶହ ଥର ରିଟ୍ବିଟ୍ କରାଯାଇଛି।