ବାରିପଦା ଷ୍ଟାଡିୟମରେ ଫ୍ଲଡଲାଇଟର ବ୍ୟବସ୍ଥା ପାଇଁ ଜିଲ୍ଲାପାଳଙ୍କୁ ଦାବିପତ୍ର

ବାରିପଦା: ମୟୂରଭଞ୍ଜର ସର୍ବପ୍ରାଚୀନ ବାରିପଦା ଷ୍ଟାଡିୟମରେ ତିନିବର୍ଷ ପୂର୍ବରୁ ଫ୍ଲଡଲାଇଟ ଷ୍ଟାଣ୍ଡ ନିର୍ମାଣ ସରିଯାଇଥିଲେ ମଧ୍ୟ ବର୍ତ୍ତମାନ ସୁଦ୍ଧା ସେଥିରେ ଆଲୋକ ସଂଯୋଗୀକରଣ ହୋଇପାରିନାହିଁ I ଫଳରେ ଯେଉଁ ଉଦ୍ଦେଶ୍ୟ ନେଇ ଏହା କରାଯାଇଥିଲା ତାହା ଫଳପ୍ରଦ ହୋଇପାରୁନଥିବାରୁ କ୍ରୀଡ଼ାବିତ ଓ କ୍ରୀଡ଼ାପ୍ରେମୀଙ୍କୁ ବ୍ୟଥିତ କରିଛି ବୋଲି ସାଧାରଣରେ ଆଲୋଚନା ହେଉଛି I ଏନେଇ ପୂର୍ବତନ ରାଜ୍ୟସ୍ତରୀୟ କ୍ରିକେଟ ଖେଳାଳି ଲୋହିତ ଦାଶଙ୍କ ନେତୃତ୍ୱରେ କ୍ରୀଡ଼ାବିତ ବିନୋଦ ରାମ, ସୁଜନ ମହାନ୍ତି, ଗଣେଶ ଦାସ, ସୁଶାନ୍ତ କରନ, ଜୀତେନ୍ଦ୍ର ବେହେରା, ମୀର ଆକବର ଅଲ୍ଲୀ ଓ ରବି ପ୍ରଧାନ ପ୍ରମୁଖ ଜିଲ୍ଲାପାଳ ହେମକାନ୍ତ ସୟଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି I ତେଵେ ତୁରନ୍ତ ଏହାର ସମାଧାନ ପାଇଁ ପଦକ୍ଷେପ ନେବେବୋଲି ଜିଲ୍ଲାପାଳ ପ୍ରତିଶୃତି ଦେଇଛନ୍ତି I ଫଳରେ ଆଗାମୀ ଦିନରେ ଯୁବ ଖେଳାଳି ମାନେ ଷ୍ଟାଡିୟମରେ ରାତିରେ ମଧ୍ୟ ଖେଳିବାର ସୁଯୋଗ ପାଇପାରିବେ ବୋଲି ସମସ୍ତେ ଆଶାବାଦୀ ଅଛନ୍ତି I