କୋଲକାତା : ଭାରତ-ୱେଷ୍ଟଇଣ୍ଡିଜ ମଧ୍ୟରେ ୩ ମ୍ୟାଚ ବିଶିଷ୍ଟ ଟି-୨୦ ସିରିଜ ଆରମ୍ଭ ହୋଇଯାଇଛି । ଏହି ସମସ୍ତ ଟି-୨୦ ମ୍ୟାଚ କୋଲକାତାର ଇଡେନ ଗାର୍ଡେନ୍ରେ ଖେଳାଯିବ । କୋଭିଡ-୧୯ ସଂକ୍ରମଣକୁ ଦୃଷ୍ଟିରେ ରଖି କ୍ରିକେଟ ପ୍ରେମୀଙ୍କୁ ପଡିଆରେ ବସି ଖେଳ ଦେଖିବାକୁ ଅନୁମତି ଦେଇନାହିଁ ବିସିସିଆଇ । କିନ୍ତୁ ବିସିସିଆଇ ଏବେ କ୍ରିକେଟ ପ୍ରେମୀଙ୍କ ପାଇଁ ଏକ ଖୁସି ଖବର ଘୋଷଣା କରିଛି ।
ଆହୁରି ପଢ଼ନ୍ତୁ...
କୋଲକାତା ଇଡେନ ଗାର୍ଡେନରେ ପ୍ରଥମ ଦୁଇଟି ମ୍ୟାଚ ବିନା ଦର୍ଶକରେ ଖେଳାଯିବ । ତେବେ ତୃତୀୟ ତଥା ଟି-୨୦ ମ୍ୟାଚ ଷ୍ଟାଡିୟମରେ ବସି ଦେଖିବାକୁ ଦର୍ଶକଙ୍କୁ ଅନୁମତି ଦେଇଛି ବିସିସିଆଇ । ଏ ନେଇ ସିଏବିକୁ ଅନୁମତି ଦେଇଛି ବିସିସିଆଇ । ସୂଚନାଯୋଗ୍ୟ ଯେ, ଶେଷ ମ୍ୟାଚରେ ଦର୍ଶକଙ୍କୁ ପ୍ରବେଶ ପାଇଁ ଅନୁମତି ଦେବାକୁ ଅନୁମତି ମାଗିଥିଲା ସିଏବି । ବର୍ତ୍ତମାନ କୋଭିଡ ଦ୍ରୁତ ଗତିରେ ହ୍ରାସ ପାଉଥିବାରୁ ଏହି ନିଷ୍ପତ୍ତି ନିଆଯାଇଛି ।