ଜୟପୁର: ଚଳିତ ଆଇପିଏଲ୍ରେ ଲଗାତାର ଦୁଇ ପରାଜୟ ବରଣ କରିଥିବା ରାଜସ୍ଥାନ ରୟାଲ୍ସ ଗୁରୁବାର ନିଜ ଘରୋଇ ପଡ଼ିଆ ଜୟପୁରରେ ଚେନ୍ନାଇ ସୁପର କିଙ୍ଗ୍ସ ବିପକ୍ଷ ମ୍ୟାଚ୍ ଜିତି ଲୟକୁ ଫେରିବା ଲକ୍ଷ୍ୟ ରଖିଛି। କିନ୍ତୁ ପ୍ରଶ୍ନ ଉଠୁଛି ଏହି ଦଳ କ’ଣ ଲଗାତାର ୩ ବିଜୟ ହାସଲ କରିଥିବା ମହେନ୍ଦ୍ର ସିଂହ ଧୋନିଙ୍କ ନେତୃତ୍ବାଧୀନ ସିଏସ୍କେର ଏହି ଧାରାରୁ ରୋକିପାରିବ। ଚଳିତ ଋତୁରେ ମଧ୍ୟ ଦୁଇ ବିଜୟ ପାଇ ଲୟରେ ଥିବା ସିଏସ୍କେକୁ ୩ ରନ୍ରେ ହରାଇ ରୟାଲ୍ସ ଏଥିରେ ରୋକ୍ ଲଗାଇଥିଲା। ପୁଣି ଥରେ ରୟାଲ୍ସ ଏହା କରିବାର ସମ୍ଭାବନା ଥିବା ବେଳେ ଚେନ୍ନାଇ ଏହାର ପ୍ରତିଶୋଧ ଲକ୍ଷ୍ୟରେ ରହିଛି।
