ଚେନ୍ନଇ: ଚଳିତ ଆଇପିଏଲର ବୁଧବାର ୫୫ତମ ମ୍ୟାଚ ଚେପକ୍ ଷ୍ଟାଡ଼ିୟମରେ ଚେନ୍ନଇ ସୁପରକିଙ୍ଗ୍ସ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଖେଳାଯିବ। ଚେନ୍ନଇ ମ୍ୟାଚକୁ ଜିତି ପ୍ଳେ ଅଫ୍ ଆଶା ଉଜ୍ଜୀବିତ କରିବା ଲକ୍ଷ୍ୟ ରଖିଥିବାବେଳେ ଦିଲ୍ଲୀ ପାଇଁ କର ବା ମର ସଦୃଶ ହୋଇଛି। ଦିଲ୍ଲୀ ପାଇଁ ଉକ୍ତ ମ୍ୟାଚ ବିଶେଷ ଭାବେ ଗୁୁରୁତ୍ବପୂର୍ଣ୍ଣ। କାରଣ ମ୍ୟାଚରେ ପରାଜିତ ହେଲେ ପ୍ଲେ ଅଫ ଦୌଡ଼ରୁ ବାଦ୍ ପଡିବା ନିଶ୍ଚିତ ହେବ।
ଆହୁରି ପଢ଼ନ୍ତୁ...
ଚେନ୍ନଇ ୧୧ଟି ମ୍ୟାଚରୁ ୬ଟି ବିଜୟ ,୪ଟି ପରାଜୟ ଓ ଗୋଟିଏ ବାତିଲ ସହ ମୋଟ ୧୩ ପଏଣ୍ଟ ପାଇଛି। ଦଳ ଶେଷ ମ୍ୟାଚରେ ମୁମ୍ବଇ ଇଣ୍ଡିଆନ୍ସକୁ ୬ ୱିକେଟରେ ପରାସ୍ତ କରିଥିଲା। ସେହିପରି ଦିଲ୍ଲୀ କ୍ୟାପିଟାଲ୍ସ ୧୦ଟି ମ୍ୟାଚରୁ ୪ଟି ବିଜୟ ଓ ୬ଟି ପରାଜୟ ସହ ୮ ପଏଣ୍ଟ ପାଇଛି। ଦଳକୁ ପ୍ଳେ ଅଫ୍ ଦୌଡ଼ରେ ତିଷ୍ଠି ରହିବାକୁ ହେଲେ ଅବଶିଷ୍ଟ ୪ଟି ଯାକ ମ୍ୟାଚ ଜିତିବା ଜରୁରୀ ହୋଇପଡିଛି। ଏହି ଦୃଷ୍ଟିରୁ ଚେନ୍ନଇ ବିପକ୍ଷ ମ୍ୟାଚ ଦଳ ପାଇଁ ବେଶ ଗୁରୁତ୍ବ ବହନ କରୁଛି।